Թրամփը հարկեր է սահմանել 60 երկրի նկատմամբ․ որ երկրներն են ներառված

ԱՄՆ նախագահ Դոնալդ Թրամփը նոր՝ 10-12.5 տոկոս մաքսատուրքեր է սահմանել շուրջ 60 երկրների նկատմամբ՝ հայտարարելով, որ դրանք բավարար քայլեր չեն ձեռնարկում հարկադիր աշխատանքի դեմ պայքարում։

Նոր դրույքաչափերը հուլիսի 24-ից կփոխարինեն նախկին 10-տոկոսանոց համաշխարհային մաքսատուրքերին և կվերաբերեն ԱՄՆ-ի հիմնական առևտրային գործընկերներին, այդ թվում՝ Չինաստանին, Հնդկաստանին, Ճապոնիային, Հարավային Կորեային և Եվրամիությանը։

Կանադայի, Եվրամիության, Հնդկաստանի և Մեծ Բրիտանիայի նկատմամբ կգործի 10%, իսկ Չինաստանի, Ճապոնիայի և Հարավային Կորեայի նկատմամբ՝ 12.5% մաքսատուրք։

Նավթի, բնական գազի, պարարտանյութերի և ԱՄՆ-Մեքսիկա-Կանադա ազատ առևտրի համաձայնագրով նախատեսված որոշ ապրանքների համար բացառություններ են սահմանվել։

Որոշումը քննադատել են մի շարք երկրներ, մասնավորապես Բրազիլիան, որը հայտարարել է, որ պատասխան մաքսատուրքեր կսահմանի ԱՄՆ-ի նկատմամբ։ Իսկ Եվրամիությունը նշել է, որ որոշումը համահունչ է ԵՄ-ԱՄՆ միջև ձեռք բերված առևտրային պայմանավորվածություններին և հնարավորություն է տալիս շարունակել բանակցությունները մաքսային արտոնությունների շուրջ։