«Զվարթնոց» օդանավակայանում հետախուզման մեջ գտնվողի փոխարեն սխալմամբ ձերբակալել են ՌԴ այլ քաղաքացու և պատրաստվում եմ արտահանձնել ԱՄՆ-ին

Հայաստանի օդանավակայանում ձերբակալել են ՌԴ քաղաքացու և որոշել արտահանձնել Միացյալ Նահանգներ։ Այդ մասին հայտնում են ռուսական լրատվամիջոցները։

Սակայն, շատ պատահաբար, պարզվել է, որ տղամարդն ունի նույն անունը, որը կրում է Ինտերպոլի կողմից հետախուզվող հաքերը։

Նա ունի այլ հայրանուն, սակայն հայկական հետախուզական ծառայություններն ամերիկացիներից հրաման են ստացել. «Ուղարկեք նրան նախնական կալանքի տակ»։

ՌԴ քաղաքացին երկու շաբաթ է, ինչ նախնական կալանքի տակ է։

Ըստ Baza-ի՝ Օմսկի բնակիչ Ալեքսանդր Երմակովը կնոջ հետ արձակուրդում էր Հայաստանում և ձերբակալվել է «Զվարթնոց» օդանավակայանում։

Ձերբակալությունը կատարվել է ամերիկյան իրավապահ մարմինների և Ինտերպոլի ծանուցագրի հիման վրա։

Նույն անունն ու ազգանունն ունեցող ռուսը հետախուզվում էր որպես աշխարհի տարբեր կիբերհարձակումների հեղինակ։ Երմակովը, ենթադրաբար, կոտրել է Ավստրալիայի խոշոր առողջապահական և ապահովագրական ընկերություն՝ Medibank Private-ի տվյալների բազաները՝ գողանալով 9.7 միլիոն մարդու անձնական տվյալները։ Դրա համար հաքերը ենթարկվել է երեք երկրների պատժամիջոցների։

Տղամարդու ընտանիքը նշում է, որ հետախուզվողը և ձերբակալվածը ոչ մի ընդհանուր բան չունեն։

Օմսկում բնակվող Երմակովը երբեք չի աշխատել տեղեկատվական տեխնոլոգիաների ոլորտում։ Նա անգլերեն չի խոսում։ Նա ստացել է իրավաբանի կրթություն և երկար տարիներ աշխատել է Դաշնային քրեակատարողական ծառայությունում:

Ամենակարևորը, բոլոր հետախուզվողների ցուցակներում հաքերի հայրանունը նշված է Գեննադևիչ, իսկ ձերբակալված հոր անունը՝ Յուրի է:

Ալեքսանդր Երմակովին ներկայացնող՝ Մոսկվայում գտնվող MUR բյուրոյի փաստաբաններ Միխայիլ Մուշայլովը և Դիլան Ռաջավին դեռևս չեն մեկնաբանում գործը։

Նրան պատրաստվում են արտահանձնել Միացյալ Նահանգներ: Ռուսի ընտանիքը լոբբինգ է անում Հայաստանի իշխանությունների մոտ Ալեքսանդրին ազատ արձակելու համար՝ պնդելով, որ նույնիսկ տեղական անվտանգության աշխատակիցները տեղյակ են սխալի մասին: