ԵՏՀ նիստում հաստատվել են ԵԱՏՄ-ի զարգացմանն ուղղված մի շարք որոշումներ․ մանրամասներ
ՌԴ փոխվարչապետ Ալեքսեյ Օվերչուկը մասնակցել է Եվրասիական տնտեսական հանձնաժողովի խորհրդի նիստին։ Հայտնում են կազմակերպության մամուլի ծառայությունից։
Հաստատվել և անդամ պետություններին է ուղարկվել ԵԱՏՄ շրջանակում բանկային և ապահովագրական ծառայությունների ոլորտներում ստանդարտացված լիցենզիայի մասին համաձայնագրի նախագիծը, որը սահմանում է լիցենզիայի տրամադրման, հետկանչման, ինչպես նաև դիմորդների և լիցենզավորված կազմակերպությունների նկատմամբ պահանջները։
Շարունակվում է ԵԱՏՄ-ում ապրանքների նույնականացման միջոցներով մակնշման համակարգի զարգացումը։ Արդեն ընդունվել են 30 ապրանքային խմբի համար միասնական («միութենական») մակնշում ներդնելու որոշումներ։ Հաստատվել է նաև հանձնարարականի նախագիծ, որի շրջանակում կմշակվեն մակնշվող ապրանքների շրջանառության օրինականության ստուգման միասնական մեխանիզմներ։
Բացի այդ, փոփոխություններ են կատարվել չափումների միասնականության ապահովման աշխատանքների արդյունքների փոխադարձ ճանաչման կանոններում՝ նախատեսելով նաև չափման միջոցների կալիբրավորման արդյունքների փոխադարձ ճանաչման հնարավորություն։
Հավանության է արժանացել նաև սառնարանային սարքավորումների արտադրության հզորությունների ստեղծման կոոպերացիոն նախագիծը, որը կֆինանսավորվի ԵԱՏՄ բյուջեից։
Խորհուրդը նաև որոշել է, որ ԵՏՀ-ն և անդամ պետությունների լիազորված մարմինները բժշկական արտադրանքի կարգավորման գործընթացում կկիրառեն Առողջապահության համաշխարհային կազմակերպության (ԱՀԿ) կողմից ընդունված պատշաճ կարգավորող գործելակերպերը։ Նախաձեռնությունն առաջադրել էր ռուսական կողմը։
«Արցախցիները երբեք չեն մոռանում այն մարդկանց, ովքեր ամենադժվար օրերին եղել են իրենց կողքին». Հայտարա...
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
«Ուժեղ Հայաստան» դաշինքի ցուցակից 105 թեկնածու ինքնաբացարկ է հայտնել
Reuters-ը անդրադարձել է Գագիկ Ծառուկյանի ձերբակալությանը
Միջպետական ճանապարհի դիմաց Ադրբեջանի մեծ դրոշ են տեղադրել. «Հրապարակ»
Տասնյակ սպորտսմեններ սոսկայով սնվել են Գագիկ Ծառուկյանի ձեռքից ու ոչ ոք ծպտուն չհանեց, բացի մեկից, ...
Տիգրանի կողմից փրկվածը 2018 թ֊ին նույն վայրում փրկվել է նաև Նաիրա Զոհրաբյանի կողմից
Կյանքից հեռացել է Արտաշես Ալեքսանյանը
«Հրապարակ». Արթուր Ալեքսանյանը չէ իր հեռախոսին պատասխանողը, Նազիկ Ավդալյանը կարող է միայն սպորտից խո...
Լռության գինը․․․
