«Այժմ մեր հերթն է». Բայդենը խոսել է ամերիկյան ուղու անավարտ լինելու մասին

ԱՄՆ նախկին նախագահ Ջո Բայդենը երկրի անկախության 250-ամյակի առթիվ հրապարակել է ուղերձ, որում ընդգծել է Անկախության հռչակագրի նշանակությունն ու ամերիկյան ուղու պատմական շարունակականությունը։

Նա հիշեցրել է, որ 250 տարի առաջ ԱՄՆ հիմնադիրները ստորագրել են փաստաթուղթ, որում առաջին անգամ ամրագրվել են մարդկանց հավասարության և անքակտելի իրավունքների՝ կյանքի, ազատության և երջանկության ձգտման սկզբունքները։

Բայդենը նշել է, որ այդ ընտրությունը կատարվել է պետության հիմնադրման պահին, սակայն դրա իմաստի շուրջ աշխատանքը շարունակվում է մինչ օրս։ Նրա խոսքով՝ յուրաքանչյուր սերունդ նորից հաստատել է այս իդեալները՝ «Վելի Ֆորջում, Գեթիսբերգի մոտ, Նորմանդիայի ափերին, Սելմայի փողոցներում»։

«Այժմ մեր հերթն է», — գրել է նա՝ ընդգծելով, որ 250 տարի անց երկիրը դեռ ամբողջությամբ չի իրագործել հռչակված սկզբունքները, սակայն երբեք չի հրաժարվել դրանցից։

Ուղերձն ավարտելով՝ Բայդենը հավելել է. «Մեր պատմությունը դեռ ավարտված չէ։ Եկե՛ք շարունակենք գրել այն միասին»։