Մաhաgել է ռուս ամենահայտնի գնչու դերասանուհիներից Եկատերինա Ժեմչուժնայան

83 տարեկան հասակում մահացել է Ռուսաստանի ժողովրդական արտիստուհի Եկատերինա Ժեմչուժնայան։ Լուրը ՏԱՍՍ-ի հետ զրույցում հաստատել է դերասանուհու դուստրը։ 

«Այո՛, նա մահացել է։ Կարծում եմ՝ նա հրաշալի մարդ էր և հրաշալի դերասանուհի։ Մեր երկիրը գիտի դա», - ասել է դերասանուհու դուստրը։

Եկատերինա  Ժեմչուժնայան ծնվել է 1944 թվականի մարտի 28-ին։ Նա բեմում հանդես է եկել վաղ տարիքից, իսկ 1969 թվականին դարձել է Մոսկվայի «Ռոմեն» գնչուական երաժշտական-դրամայի թատրոնի դերասանուհի, որին նվիրել է իր ողջ ստեղծագործական կյանքը։

Ժեմչուժնայան ստեղծել է մի շարք կերպարներ, որոնք ներկայացնում են տարբեր դարաշրջաններում և երկրներում ապրած գնչու կանանց: Ժեմչուժնայան լայն ճանաչում է ձեռք բերել ոչ միայն իր թատերական աշխատանքի, այլև կինոդերերի շնորհիվ: Նա նկարահանվել է ֆիլմերում և հեռուստասերիալներում, այդ թվում՝ «Կառնավալ», «Հավերժական կանչ», «Գնչուհի», «Բուդուլայի վերադարձը», «Թագուհի Մարգո» և այլն: Նա նաև ակտիվորեն մասնակցել է համերգների՝ կատարելով գնչուական սիրավեպեր և ժողովրդական երգեր:

1999 թվականին նրան շնորհվել է Ռուսաստանի ժողովրդական արտիստի կոչում։ Մրցանակը Կրեմլում հանձնել է անձամբ նախագահ Բորիս Ելցինը։