Փեզեշքիանը կոչ է արել արագացնել ՌԴ–Իրան ռազմավարական համագործակցությունը

Իրանի նախագահ Մասուդ Փեզեշքիանը Ռուսաստանի Անվտանգության խորհրդի փոխնախագահ Դմիտրի Մեդվեդևի հետ հանդիպման ընթացքում շնորհակալություն է հայտնել Ռուսաստանին աջակցության համար և հանդես է եկել Մոսկվայի ու Թեհրանի ռազմավարական համագործակցության արագացման օգտին, հայտնում է Իրանի նախագահի մամուլի ծառայությունը։

Ալի Խամենեիի հրաժեշտի արարողությունը մեկնարկել է ուրբաթ օրը՝ հատուկ միջոցառմամբ՝ արտասահմանյան հյուրերի, քաղաքական և հասարակական գործիչների համար։ Հիմնական արարողությունները նախատեսված են հուլիսի 4-ից 9-ը Իրանի մի շարք քաղաքներում, իսկ վերջին փուլում տեղի կունենա նրա հուղարկավորությունը Մեշհեդում՝ նրա ծննդավայրում։

Իրանի ԱԳՆ-ն նախկինում հայտնել էր, որ հրաժեշտի արարողությանը մասնակցում են շուրջ 100 երկրի ներկայացուցիչներ՝ քաղաքական գործիչներ, կառավարության ղեկավարներ, խորհրդարանների նախագահներ, արտգործնախարարներ, հատուկ ներկայացուցիչներ և հասարակական գործիչներ։