ՀԱՊԿ Ռազմական կոմիտեի նիստում բարձրացվել է Ադրբեջանի սադրիչ գործողությունների հարցը

ՀԱՊԿ-ի Ռազմական կոմիտեի նիստում բարձրացվել է ադրբեջանական սադրիչ գործողությունների հարցը: Այս մասին
ՀԱՊԿ-ի Ռազմական կոմիտեի նիստից հետո լրագրողների հետ զրույցում, ամփոփելով նիստի արյդունքները, ասաց ՀՀ Զինված ուժերի գլխավոր շտաբի պետ Յուրի Խաչատուրովը:

Նրա խոսքով՝ հանդիպման ընթացքում քննարկվել է ապրիլի սկզբին Արցախի սահմանում ստեղծված իրավիճակի մասին և ընդգծեց, որ հայկական կողմը լուրջ մտահոգություններ է հայտնել այդ կապակցությամբ:

«Իմ գործընկերներին տեղեկացրել եմ ապրիլի սկզբից ղարաբաղա-ադրբեջանական շփման գծում տիրող իրավիճակի մասին: Հայկական կողմն իր լուրջ մտահոգությունն է հայտնել Ադրբեջանի ռազմական ագրեսիվ գործողությունների վերաբերյալ, որոնք բազմաթիվ անմեղ զոհերի պատճառ դարձան: Զոհեր են եղել նաև խաղաղ բնակչության շրջանում: Այս հարցի հետ կապված կատարվել է կարծիքների փոխանակում»,- մանրամասնեց նա:

Շարունակելով խոսքը՝ նա նշեց, որ ռազմական կոմիտեի նիստում քննարկվել են օրակարագային բոլոր հարցերը, այդ թվում՝ ՀԱՊԿ-ի տարածաշրջանում ռազմական անվտանգության սպառնալիքի հարցը, որը կրում է համալիր բնյութ:

«Ռազմական անվտանգության հարցն առնչվում է քաղաքական, տնտեսական, տեղեկատվական և այլ կարևոր ոլորտների հետ: Ելնելով դրանից՝ անհրաժեշտություն կա աջակցելու և կատարելագործելու հավաքական անվտանգության երկրներում կայնության ապահովման մեխանիզմները»,- ասաց նա՝ շեշտելով, որ կողմերը եկել են այն համաձայնույան, որ պետք է կատարելագործել Միացյալ շտաբի գործունեությունը:

«Հստակեցրել ենք նաև շտաբի խնդիրները, գործառույթները և այլ հարցրեր: Նախանշել ենք նաև մեր հետագա աշխատանքի ուղղությունները»,-ասաց նա: