Զիկա վիրուսը տարածվել է 64 պետությունում

2007-ի հունվարի 1-ից մինչեւ 2016-ի ապրիլի 13-ը Զիկա վիրուսի տարածում է արձանագրվել ընդհանուր առմամբ 64 երկրում եւ տարածքում: Այդ մասին իր նոր զեկույցում հայտնել է Առողջապահության համաշխարհային կազմակերպությունը (ԱՀԿ):

«Վեց երկիր հայտնել է մարդուց մարդուն Զիկա վիրուսի փոխանցման մասին, բացի այդ, գրանցվել է նաեւ վիրուսի փոխանցում մոծակներից (Արգենտինա, Չիլի, Ֆրանսիա, Իտալիա, Նոր Զելանդիա եւ ԱՄՆ)» — ասված է ԱՀԿ-ի զեկույցում:

ԱՀԿ-ի տեղեկության համաձայն, անցած շաբաթվա ընթացքում եւս երկու երկիր` Բելիզը եւ Սենտ Լյուսիան հայտնել են Զիկա վիրուսի տարածման մասին, որը փոխանցվում է մոծակներից:

Կազմակերպությունը նշում է, որ միկրոցեֆալիան եւ պտղի զարգացման այլ արատները, որոնք պոտենցիալ կերպով կապված են Զիկա վիրուսով վարակման հետ կամ էլ սաղմնային վարակ են մատնանշում, արձանագրվել են վեց երկրում` Բրազիլիայում, Կաբո-Վերդեում, Կոլումբիայում, Պոլինեզիայում, Մարտինիկում եւ Պանամայում): Եվս երկու դեպք, որոնցից մեկը կապված է Բրազիլիայում ապրելու հետ, արձանագրվել է Սլովենիայում եւ ԱՄՆ-ում:

Զիկա վիրուսի տարածման հետ կապված` ամբողջ աշխարհում 13 երկիր եւ տարածք հայտնել են Հիենա Բարրեի համախտանիշով (ՀԲՀ) վարակման դեպքերի ավելացման մասին եւ/կամ ՀԲՀ-ով վարակվածների մոտ Զիկա վիրուսով վարակման լաբորատոր հաստատման, նշվում է հայտարարության մեջ:

ԱՀԿ-ն նաեւ հայտնում է, որ հետազոտությունների աճող ծավալի վրա հիմնված գիտական համաձայնություն կա այն մասին, որ Զիկա վիրուսը միկրոցեֆալիայի եւ ՀԲՀ-ի պատճառ է հանդիսանում: