Ինչո՞ւ էր ուսանող տարիներին մեկնում Թուրքիա. պատառիկներ՝ Ռուբեն Ռուբինյանի կենսագրությունից

«Քաղաքացիական պայմանագրից ասում են, որ Ազգային ժողովի նախագահ լինելու է Ռուբեն Ռուբինյանը։ Մի կարևոր բան այս տղայի մասին։ Երբ նա ուսանող էր, սիրելի ընկերներ, դուք գիտեք, որ նա ինչ-որ պրոցեսների համար մեկնում էր Թուրքիա։ Ասում են, երբ որ իր կուրսի ուսանողները նրան հարցնում են՝ Ռուբեն, ինչի՞ համար ես մեկնում Թուրքիա, նա պատասխանում էր երբեմն՝ վերապատրաստումներ կամ ինչ-որ դասընթացների»,- այս մասին հայտնում է «Ուժեղ Հայաստան» կուսակցության անդամ Շիրազ Մանուկյանը ֆեյսբուքյան էջում հրապարակած տեսանյութում՝  անդրադառնալով Ազգային ժողովի նախագահի պաշտոնում Ռուբեն Ռուբինյանի հնարավոր նշանակման մասին լուրերին։

Շիրազ Մանուկյանը կասկածի տակ է դնում Ռուբինյանի՝ ժամանակին Թուրքիա կատարած այցելությունների իրական դրդապատճառները։ Մանուկյանը, մասնավորապես, նշում է.

«Մենք կարո՞ղ ենք կասկածներ ունենալ, որ այս տղան ինչ-որ դասընթացների է գնացել, որտեղ, կարծում եմ, իրենց սովորեցրել են առաջ տանել այլ պետության, օտար պետության ազդեցության շահերը կամ, օրինակ, այլ հարց։ Սովորել է, չգիտեմ, գերադասել օտար պետության շահերը և ստորադասել սեփական ժողովրդին ծառայելու ինքնաբերաբար պարտքը»։

Մանուկյանի խոսքով՝ սրանք սկզբունքային հարցեր են, որոնք հանրությունը պետք է բարձրացնի՝ հասկանալու քաղաքական գործչի անցած տարիների կենսագրությունը։

«Սրանք կարևոր հարցեր են, որ մենք պիտի տանք, սիրելի ընկերներ, թե այս մարդը իրականում ո՞վ է եղել, երբ ձևավորվել է ուսանողական տարիներին»,- եզրափակում է նա։