Վարշավայում թեթև շարժիչավոր ինքնաթիռ է կործանվել․ երկու մարդ զոհվել է
Վարշավայի «Բեմովո» օդանավակայանում վայրէջքի ժամանակ կործանվել է թեթև շարժիչավոր ինքնաթիռ։ Աղետի հետևանքով օդանավում գտնվող երկու մարդ զոհվել է։ Օդանավակայանի տարածքում գտնվող ևս մեկ մարդ ստացել է վնասվածքներ, հաղորդում է RMF24-ը։
Պատահարի հանգամանքները պարզում են դատախազությունը և Ավիացիոն պատահարների քննության պետական հանձնաժողովը։
Ընկնելուց հետո ինքնաթիռը բռնկվել է, սակայն հրշեջներին հաջողվել է արագորեն մարել կրակը։ Փրկարար ծառայությունների տվյալներով՝ օդանավն ամբողջությամբ ոչնչացել է։
Աղետը տեղի է ունեցել վայրէջքի մոտեցման ժամանակ՝ Վարշավայի ճանապարհային երթևեկության կենտրոնի ուսումնական հրապարակի հարևանությամբ։ Ոստիկանությունը պատահարի մասին ահազանգը ստացել է տեղական ժամանակով 13:00-ից անմիջապես հետո։
Ականատեսները պատմել են, որ կործանումից առաջ լսել են սուլոց և ուժգին հարված։ Ըստ նրանց՝ ինքնաթիռը վայրէջքից առաջ իջնելիս կարող էր թևով դիպչել մետաղական կրպակին։
Ինչպես հայտնում են վկաները, հենց այդ տնակում է գտնվել մի տղամարդ, որը սպասելիս է եղել վարման դասընթացների սկսվելուն։ Նա հարվածի հետևանքով վնասվածքներ է ստացել։
Ոչ պաշտոնական տեղեկություններով՝ կործանված ինքնաթիռը պատկանել է մասնավոր ընկերության և չվերթ էր իրականացնում Վրոցլավից Վարշավա։ Աղետի պատճառների հետաքննությունը շարունակվում է։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
