Հայտնի է ԱԱ-2026-ի գլխավոր ֆավորիտը․ սուպերհամակարգիչը թարմացրել է վարկանիշը

Opta վերլուծական հարթակը թարմացրել է աշխարհի 2026 թվականի առաջնության հաղթողի վերաբերյալ իր կանխատեսումները՝ հիմնվելով խմբային փուլի կայացած երկու տուրերի արդյունքների վրա։ Այս մասին հայտնում է armsport.am-ը:

Ըստ նորացված տվյալների՝ Մունդիալի գլխավոր ֆավորիտն Արգենտինայի ազգային հավաքականն է։ Լիոնել Սկալոնիի գլխավորած թիմն անցկացրած երկու հանդիպումներում էլ հաղթանակ է տոնել և արդեն իսկ նվաճել մրցաշարի փլեյ-օֆֆի ուղեգիր։

​Ստորև ներկայացնում ենք ԱԱ-2026-ի հաղթողի կոչման գլխավոր հավակնորդների տասնյակը՝ ըստ Opta-ի հաշվարկների․

Արգենտինա – 15,6 տոկոս
Ֆրանսիա – 15,1 տոկոս
Իսպանիա – 12,8 տոկոս
Անգլիա – 10,6 տոկոս
Գերմանիա – 6,6 տոկոս
Պորտուգալիա – 5,3 տոկոս
Նորվեգիա – 5,2 տոկոս
Բրազիլիա – 5 տոկոս
Նիդերլանդներ – 4,3 տոկոս
ԱՄՆ – 4 տոկոս