Թուրքիան ու Իրաքը կերկարաձգեն նավթային պայմանագիրը

Թուրքիայի էներգետիկ ռազմավարությունների և քաղաքականությունների հետազոտական կենտրոնի (TESPAM) նախագահ Օղուզհան Աքյեները խոսել է Թուրքիայի և Իրաքի նավթատարի մասին։ Ըստ նրա՝ հուլիսին լրանում է Թուրքիայի և Իրաքի միջև նավթամուղի համաձայնագրի ժամկետը և սպասվում է, որ այն կերկարաձգվի։ Աքյեների պնդմամբ՝ Իրաքի հետ կնքվի նոր էներգետիկ համաձայնագիր 5-10 տարի ժամկետով։

Աքյեները նշել է, որ Հորմուզի նեղուցում տարածաշրջանային լարվածությունն ու ռիսկերը Քիրքուք-Էրբիլ-Ջեյհան խողովակաշարը դարձրել են ավելի ռազմավարական, քան երբևէ։ Ըստ նրա՝ բոլոր կողմերը ցանկանում են ավելացնել նավթի առաքումները և գործընթացը հարմարեցնել ներկայիս պայմաններին նոր համաձայնագրերով։

Աքյեները հայտնել է, որ 2026-ի մարտին, Մերձավոր Արևելքում հակամարտությունների և Հորմուզի նեղուցի ծովային երթևեկության համար փակման պատճառով Բաղդադի և Էրբիլի միջև համագործակցությունը խորացավ։ Բեռնափոխադրումների անվտանգությունն ապահովելու համար Իրաքի կառավարությունը վերագործարկեց Քիրքուք-Ջեյհան նավթատարը՝ օրական նավթի հոսքը Թուրքիայով հասցնելով 250․000 բարելի։

2026-ի հունիսի դրությամբ նավթատարը շարունակում է լիովին գործել ու Թուրքիայի էներգետիկայի և բնական պաշարների նախարարությունը նպատակ ունի թողունակությունը հասցնել օրական 1.5 մլն բարելի։