Իրանը և ԱՄՆ-ն Ժնևում համաձայնության են եկել

Շվեյցարիայում ԱՄՆ-ի և Իրանի միջև բանակցությունների ժամանակ համաձայնեցվել է 60 օրվա ընթացքում վերջնական համաձայնության հասնելու ճանապարհային քարտեզ։

Այս մասին ասվում է կողմերի միջև միջնորդների դեր կատարած Կատարի և Պակիստանի արտաքին գործերի նախարարությունների համատեղ հայտարարության մեջ։

Փաստաթղթում նշվում է, որ հանդիպումն անցել է դրական և կառուցողական մթնոլորտում և հասել է խրախուսական արդյունքների, այդ թվում՝ հետագա տեխնիկական բանակցությունների մեխանիզմի ստեղծման։ Կողմերը նաև համաձայնվել են ստեղծել բարձր մակարդակի կոմիտե:

«Բարձր մակարդակի կոմիտեն համաձայնեցրել է 60 օրվա ընթացքում վերջնական համաձայնության հասնելու ճանապարհային քարտեզը՝ հիմք դնելով հետագա տեխնիկական բանակցությունների անհապաղ մեկնարկի համար։ Ավելին, փոխըմբռնման հուշագրի 5-րդ կետում նշված ժամկետում կողմերի միջև հաստատվել է հաղորդակցության գիծ՝ միջադեպերը և թյուրըմբռնումները կանխելու և Հորմուզի նեղուցով առևտրային նավերի անվտանգ անցումն ապահովելու համար», - ասվում է հայտարարության մեջ։

Ավելին, Լիբանանում հրադադարի պահպանումն ապահովելու համար կողմերը համաձայնվել են միջնորդների աջակցությամբ ստեղծել հակամարտությունների կանխարգելման խմբեր։

Ավելի վաղ Իրանի արտաքին գործերի նախարարության խոսնակ Իսմայիլ Բաղային հայտարարել էր իրանական ակտիվների ապաշրջափակման գործում առաջընթացի մասին։