Վերջին 72 տարվա ընթացքում առաջին անգամ ԱԱ-ին մասնակցող ֆուտբոլիստը տարիքով մեծ է իր մարզչից

Գերմանիայի ազգային հավաքականի դարպասապահ Մանուել Նոյերն աշխարհի առաջնությունում խաղադաշտ է դուրս եկել մի մարզչի գլխավորությամբ, որը տարիքով փոքր է իրենից։ Մունդիալների պատմության մեջ նման դեպք գրանցվել է վերջին 72 տարվա ընթացքում առաջին անգամ։

ԱԱ-2026-ի խմբային փուլի առաջին տուրի՝ Կյուրասաոյի դեմ խաղում (7-1) գերմանացիների դարպասը պաշտպանել է 40-ամյա Նոյերը (ծնված 1986 թվականին)։ Բունդեսթիմի գլխավոր մարզիչ Յուլիան Նագելսմանը ծնվել է 1987 թվականին. նա իր դարպասապահից փոքր է մեկ տարով։

Ինչպես հայտնում է MisterChip-ը X սոցիալական ցանցում, նախորդ նմանատիպ դեպքը, երբ աշխարհի առաջնությունում խաղացողը մեծ է եղել մարզչից, թվագրվում է 1954 թվականով։ Այն ժամանակ Չեխոսլովակիա — Ուրուգվայ հանդիպմանը չեխոսլովակների մարզիչ Յարոսլավ Ցեյպը (ծնված 1924 թ.) խաղադաշտ էր դուրս բերել Կարել Ռեյմանին (ծնված 1921 թ.)։

Հավելենք, որ Նոյերը Գերմանիայի հավաքականի կազմում դարձել է 2014 թվականի աշխարհի չեմպիոն։ Ընդհանուր առմամբ, 40-ամյա դարպասապահն ազգային թիմի կազմում անցկացրել է 125 հանդիպում։ Նրա տրանսֆերային արժեքն այս պահին գնահատվում է 4 միլիոն եվրո։