Շվեդիան աշխարհում առաջին երկիրն է, որը հասել է ծխելը դադարեցնելու իր նպատակին

Շվեդիան հասել է հանրային առողջության բեկումնային փուլի: Այժմ Շվեդիան ​​աշխարհում առաջին երկիրն է, որ հասել է առանց ծխի կարգավիճակի՝ իջեցնելով ծխելու կրիտիկական շեմը 5%-ով։

Շվեդիայում ծնված մեծահասակների շրջանում ծխելու մակարդակը հասել է տպավորիչ 4,5%-ի, ինչը ցույց է տալիս, որ սկանդինավյան երկիրը հեղափոխական մոտեցում է ցուցաբերել ծխելու դեմ պայքարի նկատմամբ, որը կտրուկ հակասում է այլ երկրներում կիրառվող ավանդական արգելման ռազմավարություններին:

Թեև երկրում ծխելու ընդհանուր մակարդակը մի փոքր ավելի բարձր է՝ 5,3%, եթե հաշվի ենք առնում մարդկանց որոնք ներգաղթել են Շվեդիա, առողջապահության փորձագետները նշում են, որ ձեռքբերումը նշանակալի է և այն  տասնամյակներով առաջ է անցել Եվրամիության (ԵՄ) կանխատեսումներից առաջ:

 Smoke-Free Sweden-ը ներկայացնող Դելոն Հյումանը, այս հաջողությունը վերագրել է   Շվեդիայում 1960-ականներին սկսված վնասի նվազեցման առաջադեմ ռազմավարությանը, երբ ծխում էին շվեդ տղամարդկանց կեսը։ Խիստ արգելքներ կիրառելու փոխարեն երկիրը ծխելուն ավելի քիչ վնասակար այլընտրանքներ է ներդնում ու առաջարկում, ինչպիսիք են սնուսը, նիկոտինային բարձիկները:

Ռազմավարությունը հրաշալի արդյունքներ տվեց։

Ներկայումս Շվեդիայում քաղցկեղով հիվանդությունների մակարդակը 41%-ով ցածր է ԵՄ-ի միջինից և ունի նաև ծխելու հետ կապված հիվանդությունների ամենացածր ցուցանիշը տարածաշրջանում:

Շվեդ բժիշկ Անդերս Միլթոնը, ով զբաղվում է ծխելու դեմ պայքարով, ընդգծել է, որ նիկոտինային մի շարք ապրանքների օրինական հասանելիությունը և համաչափ հարկումը վճռորոշ դեր են խաղացել երկրի հաջողության մեջ:

Երկրում նիկոտինի ընդհանուր սպառումը փոխվել է 2022 թվականին 18,5%-ից ավելանալով ու հասնելով 20,2%-ի 2024 թվականին, ինչը ցույց է տալիս, որ օգտագործողները նիկոտինն ամբողջությամբ թողնելու փոխարեն անցնում են ավելի քիչ վնասակար այլընտրանքների:

Այս ձեռքբերումը կտրուկ հակադրվում է ԵՄ ներկայիս մոտեցմանը, որը համահունչ է Առողջապահության համաշխարհային կազմակերպության քաղաքականությանը, որն ընդգծում է արգելքը, այլ ոչ թե վնասի նվազեցումը:

Ամբողջ աշխարհում ծխելու դեմ պայքարի փորձագետները կոչ են անում ԵՄ-ին ուսումնասիրել և, հնարավոր է, ընդունել Շվեդիայի սպառողների համար բարենպաստ կարգավորող շրջանակը, որը զգալիորեն բարելավել է հանրային առողջության ոլորտում ձեռք բերված արդյունքները:

Որպես առաջին երկիրը, որը տասնամյակներ շուտ հասել է ծխելու համարյա լրիվ դադարեցման նպատակներին, Շվեդիան սահմանել է ծխելու արդյունավետ վերահսկման միջազգային նոր չափանիշ՝ ապացուցելով, որ նորարարական, ապացույցների վրա հիմնված ռազմավարությունները կարող են փոխակերպել հանրային առողջությունը: