Թուրքիան Ռուսաստանի բարեկամն է. Պուտին

Մենք հարևանների հետ բարիդրացիական հարաբերություններ ունենք: Թուրքիան նույնպես համարում ենք բարեկամ երկիր:

Այդ մասին հայտարարել է ՌԴ նախագահ Վլադիմիր Պուտինը` ուղիղ կապի ժամանակ:

Նա հայտարարել է, որ  Ռուսաստանը երբեք չի հայտնվի թշնամական օղակի մեջ:

«Մենք որոշ երկրների պահվածքը ոչ ադեկվատ ենք համարում և համապատասխան կերպով դրանց արձագանքում ենք: Մենք խնդիրներ ունենք քաղաքական որոշ գործիչների հետ, և համապատասխան կերպով դրանց արձագանքում ենք: Մենք աշխատում ենք հանգիստ, առանց կտրուկ գործողությունների»,- ասել է Պուտինը:

Պուտինի խոսքով Թուրքական ղեկավարությունը ոչ այնքան պայքարում է ծայրահեղականների դեմ, որքան համագործակցում նրանց հետ։

Ինչ վերաբերում է Թուրքիայի հանգստին, ապա ՌԴ ղեկավարն այն վտանգավոր է որակել, քանի որ երկրի հարավում փաստացիորեն քաղաքացիական պատերազմ է ընթանում։

Հիշեցքնենք, որ ուղիղ եթերում, Վլադիմիր Պուտինը պատասխանում է  հեռախոսով, տեսակապով կամ ինտերնետի միջոցով իրեն ուղղվող հարցերին:

Ռուսաստանի քաղաքացիներից ստացվել է երկու միլիոն հարց: Նման միջոցառումն արդեն 14-րդ անգամ է անցկացվում:

2015-ին նախագահը ուղիղ կապն անցկացրել էր ապրիլի 16-ին, այն տեւել էր 3 ժամ 56 րոպե

Պուտինը հավելել է, որ Ռուսաստանը կշարունակի արձագանքել իր դեմ թշնամական գործողություններին:

«Եթե մեկը որոշել է խորտակվել, նրան արդեն անհնար է փրկել: Բայց մենք պատրաստ ենք օգնության ձեռք մեկնել յուրաքանչյուրին, եթե նա ինքը դա ցանկանա»,- ասել է Պուտինը՝ պատասխանելով 12-ամյա աղջնակի հարցին, թե եթե խորտակվեին Ուկրաինայի նախագահ Պյոտր Պորոշենկոն և Թուրքիայի նախագահ Ռեջեփ Թայիփ Էրդողանը, ո՞ւմ առաջինը կփրկեր Պուտինը: