Պատրաստվում ենք դիմել Սահմանադրական դատարան վիճարկելու ընտրության արդյունքները. Իշխան Սաղաթելյան

Այս պահին հանրեպետության մի շարք տեղամասերում տեղի է ունենում վերահաշվարկ»,-հրավիրված ասուլիսում ասաց «Հայաստան» դաշինքի անդամ, ՀՅԴ ԳՄ ներկայացուցիչ Իշխան Սաղաթելյանը։

Նա հավելեց, որ մինչև շաբաթվա վերջ հանրապետության մի շարք տեղամասերում տեղի են ունենալու վերահաշվարկներ։

«Ակնհայտ է, որ կան տեղամասերում ստորագրված արձանագրությունների և ԿԸՀ-ի կայքում տեղադրված տվյալների անհամապատասխանություն»,- նշեց սաղաթելյանը։

 Նա բերեց 27/21 տեղամասում՝ Չարենցավանում «Հայաստան» դաշինքը ստացել է 112 ձայն, իսկ ԿԸՀ կայքում գրված է 8 ձայն։ 29/39 տեղամասում 117 քվե է տրված՝ ԿԸՀ-ի կայքում՝ 80։

 Նշելով, որ ԿԸՀ-ից այդ սխալները համարում են տեխնիկական խոտանով՝ Սաղաթելյանը նշեց, որ ԿԸՀ-ի կայքը պարբերաբար անհասանելի է դառնում, կամ բլոկավորվում է, այդ պատճառով էլ չեն հասցնում ստուգել բոլոր տվյալները։

«Ակնհայտ է, որ վերահաշվարկի արդյունքում որոշակի փոփոխություններ ենք ակնկալում»,-ասաց Սաղաթելյանը՝ նշելով, որ մոտ 20 խախտում միայն «Հայաստան» դաշինքն ունի, բայց մյուս ընդդիմադիր ուժերը նույնպես ունեն։

«Մենք պատրաստվում ենք դիմել ՍԴ՝ վիճարկելու ընտրությունների արդյունքները, ակնհայտ է, որ ընտրությունները տեղի են ունենցել ճնշումների, ոչ ազատ և ոչ արդար պայմաններում։ ԿԸՀ-ի արդյունքների հրապարակումից հետո գնալու ենք նաև այդ ճանապարհով»,-հայտարարեց Սաղաթելյանը, հավելելով, որ կան բազմաթիվ փաստեր և փաթեթը պատրաստվում է։

Նշելով, որ լավ հասկանում են, թե ՍԴ-ում ովքեր են նստած, բայց ծանրակշիռ փաստերով են մտնելու բարձրագույն դատարան։

 «Այս հարցերի պատասխաններն ունենալուց հետո խորհրդակցելով ընդդիմադիր մյուս ուժերի հետ, կորոշեն մանդատները վերցնեն, թե ոչ»,-հայտարարեց «Հայաստան» դաշինքի անդամը։