ԵԱՏՄ-ում պարենային ինքնաբավության մակարդակը հասել է 94 տոկոսի. Ալեքսեյ Օվերչուկ
ՌԴ փոխվարչապետ Ալեքսեյ Օվերչուկը Սանկտ Պետերբուրգի միջազգային տնտեսական համաժողովի շրջանակում մասնակցել է «ԵԱՏՄ երկրների դերը միջազգային ագրոարդյունաբերական շուկաների ձևավորման գործում» թեմայով նիստին՝ ներկայացնելով միության ագրարային ոլորտի զարգացման հիմնական արդյունքներն ու հետագա ինտեգրման առաջնահերթությունները։
Օվերչուկը շնորհակալություն է հայտնել Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանին՝ ագրոարդյունաբերական ոլորտում իրականացվող համակարգային աշխատանքի համար։
«Միության երկրներում գյուղատնտեսական արտադրությունն իրական արտահայտությամբ աճել է գրեթե մեկ երրորդով, փոխադարձ առևտուրը՝ 2,7 անգամ, իսկ արտահանումը՝ 2,5 անգամ», — հայտարարել է փոխվարչապետը։
Նրա խոսքով՝ Եվրասիական տնտեսական միությունը զուտ ներմուծողից վերածվել է պարենամթերքի կայուն զուտ արտահանողի։
Առանձնահատուկ ուշադրություն է դարձվել պարենային ինքնաբավության մակարդակին, որը ներկայում կազմում է շուրջ 94 տոկոս։ ԵԱՏՄ-ն ամբողջությամբ ապահովում է հիմնական պահանջարկը առանցքային ապրանքատեսակների՝ հացահատիկի, մսի, կաթի, շաքարի, բուսայուղերի և ձվի մասով։
Օվերչուկը նշել է նաև, որ միության երկրները համաշխարհային շուկաներում զբաղեցնում են առաջատար դիրքեր, մասնավորապես՝ ցորենի և սառեցված ձկան արտահանման ոլորտներում։
Նրա գնահատմամբ՝ ներկայիս պայմաններում ԵԱՏՄ-ն պարենային անվտանգության տեսանկյունից հանդես է գալիս որպես «անվտանգ նավահանգիստ»։
Փոխվարչապետը ներկայացրել է նաև ԵԱՏՄ ագրարային ոլորտի երկարաժամկետ զարգացման ռազմավարության երկու հիմնական առաջնահերթությունները՝ անդամ պետությունների ներքին կայունության և պարենային անվտանգության ապահովումը, ինչպես նաև ագրոարդյունաբերական արտադրանքի արտահանման համար բարենպաստ պայմանների ստեղծումը։
«Այս խնդիրները փոխկապակցված են և լրացնում են միմյանց», — ընդգծել է նա։
Գործնական քայլերի շարքում Օվերչուկը նշել է ագրոարդյունաբերական ոլորտում կոոպերացիոն նախագծերի ֆինանսավորման վերազգային մեխանիզմի ձևավորումը։ Նախատեսվում է, որ մինչև 2026 թվականի վերջ ամբողջությամբ կձևավորվի անհրաժեշտ իրավական դաշտը, և այդ նախագծերը կգործարկվեն։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Արթուր Դավթյանի մայրը «լայքում է» Լևոն Քոչարյանին (լուսանկար)
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
