Ռուսաստանն ու Բելառուսը խորացնում են ինտեգրացիան Միութենական պետության շրջանակում

ՌԴ փոխվարաչպետ Ալեքսեյ Օվերչուկը մասնակցել է «Միութենական պետություն․ ժամանակն է լինել առաջինների շարքում» նստաշրջանին՝ XXIX Սանկտ Պետերբուրգի միջազգային տնտեսական համաժողովի (ՊՄՏՀ) շրջանակներում։

Ալեքսեյ Օվերչուկի խոսքով՝ վերջին երեք տասնամյակների ընթացքում ստեղծվել է հզոր ինտեգրացիոն հարթակ, որը ձևավորում է միասնական տարածք «Բրեստից մինչև Վլադիվոստոկ»՝ սոցիալ-տնտեսական, հումանիտար, պաշտպանական, միգրացիոն և տեղեկատվական ոլորտներում։

Նշվել է նաև, որ Միութենական պետության շրջանակում ապրանքաշրջանառության ցուցանիշները շարունակում են դրական աճ գրանցել․ 2025 թվականին փոխադարձ ապրանքաշրջանառությունը կազմել է 52 միլիարդ դոլար, իսկ ապրանքների և ծառայությունների ընդհանուր առևտուրը՝ 62 միլիարդ դոլար։ Փոխվարչապետը նշել է, որ առևտուրը մնում է հավասարակշռված, իսկ ռուսական և բելառուսական ռուբլիներով կատարվող հաշվարկների բաժինը հասել է 99,1 տոկոսի։ Նա նաև ընդգծել է Ռուսաստանի դերը որպես բելառուսական տնտեսության հիմնական ներդրող։

Միութենական պետության շրջանակում իրականացվում է 26 ինտեգրացիոն ներմուծման փոխարինման նախագիծ՝ միկրոէլեկտրոնիկայի, ավիաշինության, ավտոմոբիլաշինության, հատուկ մեքենաշինության և մետալուրգիայի ոլորտներում։

Առանձին ուշադրություն Ալեքսեյ Օվերչուկը հատկացրել է ուղևորափոխադրումների զարգացման հարցերին՝ նշելով, որ Ռուսաստանի 10 տարածաշրջաններից դեպի Բելառուս իրականացվում են կանոնավոր ավիաչվերթներ, որոնք ներկայում կազմում են շաբաթական 144 չվերթ։ Անցյալ տարի գործարկվել են նոր չվերթներ Սանկտ Պետերբուրգից դեպի Բրեստ և Մոսկվայից դեպի Մոգիլյով։ 2026 թվականի ապրիլի 2-ին բացվել է սահմանամերձ արվարձանային երկաթուղային հաղորդակցություն Սմոլենսկ–Վիտեբսկ և Սմոլենսկ–Օրշա երթուղիներով։ Աշխատանքներ են տարվում նաև այլ երթուղիներով արվարձանային հաղորդակցություն կազմակերպելու ուղղությամբ։

Ալեքսեյ Օվերչուկը ընդգծել է, որ Միութենական պետությունը դարձել է եվրասիական տարածքում ինտեգրացիոն գործընթացների հաջող օրինակ, և ինտեգրման խորացման ուղղությամբ աշխատանքները շարունակվելու են։