Կալանավորների իրավունքների մասին կարծրատիպերը պետք է հաղթահարվեն․ ՄԻՊ-ի այցը «Նուբարաշեն» ՔԿՀ
Հունիսի 3-ին Մարդու իրավունքների պաշտպան Անահիտ Մանասյանն այցելել է Արդարադատության նախարարության «Նուբարաշեն» քրեակատարողական հիմնարկ, որտեղ մասնակցել է հաստատությունում գործող մշակութային ինքնագործ միավորման դատապարտյալների նախաձեռնությամբ և Մարդու իրավունքների պաշտպանի կողմից կազմակերպված հանդիպում-քննարկմանը։
Պաշտպանը կարևորել է դատապարտյալների նախաձեռնողականությունը և հատկապես ողջունել մշակութային ինքնագործ միավորման կողմից մարդու իրավունքների թեմայով քննարկում կազմակերպելու այս նախաձեռնությունը՝ այն գնահատելով որպես կարևոր քայլ մարդու իրավունքների արժեքների տարածման և իրավագիտակցության բարձրացման տեսանկյունից։
Անդրադառնալով ազատությունից զրկված անձանց իրավունքների պաշտպանությանը՝ Անահիտ Մանասյանը նշել է, որ հասարակությունում դեռևս առկա են կարծրատիպային մոտեցումներ ազատազրկման միջավայրում գտնվող անձանց և նրանց իրավունքների առնչությամբ, որոնք անհրաժեշտ է հաղթահարել։
«Անձամբ շատ եմ այցելում ազատազրկման վայրեր և բավականին հաճախ հրապարակային խոսում եմ այս ոլորտի խնդիրների մասին։ Կարևոր է, որ ոլորտին մոտենանք ոչ թե մեղադրողական, այլ ազատությունից զրկված անձանց իրավունքները պահպանելու կարևորությունը գիտակցելու տրամաբանությամբ»,- նշել է Պաշտպանը։
Անահիտ Մանասյանը կարևորել է վերասոցիալականացման գործընթացի դերը՝ նշելով, որ յուրաքանչյուր մարդ պետք է հնարավորություն ունենա հաղթահարելու և ուղղելու սխալները և իրավունքահեն տրամաբանությամբ շարունակելու իր ճանապարհը։
Անահիտ Մանասյանը նաև ընդգծել է, որ ոլորտում առկա խնդիրները շարունակելու են արձանագրվել և բարձրաձայնվել բոլոր անհրաժեշտ հարթակներում։
«Սկզբունքային է մեր դիրքորոշումը, որ խնդիրները շարունակելու ենք արձանագրել, և դրանց մասին խոսել տարբեր ձևաչափերի համատեքստում»,- ընդգծել է Անահիտ Մանասյանը։
Հանդիպման ընթացքում Մարդու իրավունքների պաշտպանի աշխատակազմի ներկայացուցիչները դասընթաց են վարել մարդու իրավունքներին առնչվող մի շարք հարցերի, ՄԻՊ հաստատության գործունեության հիմնական ուղղությունների, լիազորությունների, մանդատի, ինչպես նաև կանխարգելման ազգային մեխանիզմի գործառույթների առնչությամբ։
Քննարկումն անցկացվել է ինտերակտիվ ձևաչափով։ Դատապարտյալները բարձրացրել են իրենց հետաքրքրող և մտահոգող հարցերը, որոնք վերաբերել են վերասոցիալականացման ծրագրերին, պայմանական վաղաժամկետ ազատման ընթացակարգերին, ներման ինստիտուտին, ինչպես նաև իրավունքների իրացմանն առնչվող այլ հարցերի։
Հանդիպումն անցել է բաց և անմիջական մթնոլորտում՝ հնարավորություն տալով դատապարտյալներին բարձրաձայնելու իրենց հուզող խնդիրները, ներկայացնելու առաջարկություններ և ստանալու համապատասխան պարզաբանումներ։
Մարդու իրավունքների պաշտպան Անահիտ Մանասյանը կարևորում է Արդարադատության նախարարության Քրեակատարողական ծառայության հետ ձևավորված արդյունավետ համագործակցությունը` ազատությունից զրկված անձանց իրավունքներին առնչվող ոլորտում առկա խնդիրները հաղթահարելու տեսանկյունից։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
