Քննարկվել են վիզաների ազատականացման գործընթացին աջակցող նոր ծրագրի շրջանակում նախատեսվող աշխատանքները
Ներքին գործերի նախարարի տեղակալ Արմեն Ղազարյանն ընդունել է Լիտվայի Հանրապետության Ներքին գործերի նախարարի տեղակալ Գինտարաս Ալեքսանդրավիչյուսին։
Կողմերը բարձր են գնահատել Հայաստանի Հանրապետության և Լիտվայի Հանրապետության միջև ձևավորված արդյունավետ համագործակցությունը՝ ընդգծելով վերջին տարիներին իրականացված համատեղ աշխատանքների նշանակությունը։ Այս համատեքստում առանձնահատուկ անդրադարձ է կատարվել նաև սույն թվականի մայիսի 19-ին ստորագրված Հայաստանի Հանրապետության և Լիտվայի Հանրապետության միջև ռազմավարական գործընկերության մասին համատեղ հռչակագրին, որն առավել ամուր հիմք է ստեղծում երկու երկրների միջև համագործակցության հետագա խորացման համար, այդ թվում՝ ներքին գործերի ոլորտում։
Հանդիպման ընթացքում քննարկվել են 2026 թվականի հունիսի 1-ից Եվրոպական միության ֆինանսավորմամբ և Լիտվայի Հանրապետության գործընկերությամբ մեկնարկելիք նոր ծրագրի շրջանակում նախատեսվող աշխատանքները։ Նշվել է, որ ծրագիրը կարևոր դեր կունենա Հայաստանի և Եվրոպական միության միջև վիզաների ազատականացման երկխոսությանն աջակցելու գործում՝ սահմանների կառավարման, փաստաթղթերի անվտանգության և իրավապահ մարմինների բարեփոխումների ուղղություններով։
Անդրադառնալով ծրագրի առաջնահերթություններին՝ նախարարի տեղակալ Արմեն Ղազարյանը կարևորել է հատկապես կրթական բաղադրիչը՝ սահմանների կառավարման ոլորտի զարգացման համատեքստում։ Նրա խոսքով՝ ՆԳՆ կրթահամալիրում ոստիկանների և փրկարարների պատրաստման ու վերապատրաստման ծրագրերին զուգահեռ նախատեսվում է ձևավորել նաև սահմանապահների մասնագիտական կրթության նոր ուղղություն՝ հիմնված միջազգային առաջատար փորձի և ժամանակակից կրթական մեթոդների վրա։ Արմեն Ղազարյանի գնահատմամբ՝ սա Հայաստանի կողմից սահմանների համալիր կառավարման համակարգի ձևավորման կարևոր քայլերից է, որը համահունչ է եվրոպական և միջազգային լավագույն փորձին։
Փաստաթղթերի անվտանգության ոլորտում քննարկվել են իրավական և տեղեկատվական կարողությունների զարգացմանն ուղղված նախաձեռնությունները, իսկ իրավապահ մարմինների բարեփոխումների համատեքստում անդրադարձ է կատարվել հատկապես քրեական ոստիկանության կարողությունների ամրապնդմանը՝ տեխնիկական և մեթոդաբանական աջակցության հնարավոր ուղղություններով։Հանդիպման ավարտին կողմերը վերահաստատել են համագործակցության շարունակական զարգացման իրենց հանձնառությունը՝ կարևորելով համատեղ ծրագրերի շրջանակում փորձի փոխանակումն ու ինստիտուցիոնալ կարողությունների զարգացումը։ Լիտվական կողմը ևս վերահաստատել է Հայաստանի հետ ընթացիկ և ապագա նախաձեռնություններում ակտիվ ներգրավվածություն ապահովելու իր պատրաստակամությունը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
