Հանրապետականի խրախճանքի էսկալացիան՝ պատերազմական օրերին

Հանրապետականները «քեֆչի Հասան»-ի նման երբեք իրենց չեն զրկում քեֆից: Այն, որ այս տարիների ընթացքում զբաղվել են գողությամբ ու թալանով, այլևս կասկածի տեղիք չի տալիս: Վկան` մեր երկրի արտաքին պատքն է, մեր երկրի տնտեսության աղքատ վիճակն ու ութսունականների զենքը:

Բայց պարզվում է հանրապետականները բացի պոռոտախոսելուց, խաբելուց ու կեղծ փիարվելուց, ընդունակ են նաև ժողովրդի վշտի ամենածանր պահին ճոխ հարսանիք անել:

Ապրիլի 5-ին, երբ Ադրբեջանը ռազմական էսկալացիա էր իրականանցում սահմանի ողջ երկայնքով և խոսքը գնում էր տասնյակ զինվորների մահվան և կորստի մասին, նույն օրը հանրապետականը խրախճանքի էսկալացիա էր կազմակերպել մայրաքաղաքի ռեստորաններից մեկում:
Պարզվում է հանրապետական Գեորգի Գաբրիելյանը ապրիլի հինգին հրավիրել է իր կուսակից ընկերներին, հարազատներին և պսակադրության արարողություն անցկացրել:

Երիտասարդ այս հանրապետականը 2007թ. առ այսօր ՀՀԿ կազմակերպչական հանձնաժողովի ՀՀԿ տարածքային կազմակերպությունների աշխատանքները համակարգող բաժնի ղեկավարն է: 2007թ. առայսօր ՀՀԿ երիտասարդական կազմակերպության գաղափարաքարոզչական հանձնաժողովի պատասխանատուն է:

Հարասանիքը լավ արարողություն է, և դեմ չենք, որ հարսանեկան արարողություն լինի յուրաքանչյուր հայ ընտանիքում, սակայն երբ այն տեղի է ունենում իշխող կուսակցության անդամների մասնակցությամբ այն ժամանակ, երբ սահմանին տասնութ տարեկան մեր զինվորների արյունն է հոսում՝ պարզապես անամոթություն է: Հանրապետականը բացի նյութական թալանից, թքած ունի երկրի ճակատագրի ու մարդկանց տառապանքի վրա:

Սա դեռ քիչ է, մի բան էլ համացանցում հպարտությամբ գրում է, թե ապրիլի 5-ին «լավ քեֆ է արել» (մեջբերում` Georgi Gabrielyan Ինչ լավ քեֆ ենք արել Նորայր ջան 9 апреля в 22:29): Ինչ կասեն հիմա պաշոտյաններն ու շարմազանովները` Նժդեհյան կեղծ գաղափարախոսները:

Այս օրերին շատ է խոսվում, որ մենք շատ ու շատ հարցերում հապաղել ենք, ինչ հետևանքով էլ ունեցանք ապրիլի այդ չորս օրը: Մեր միակ հապաղումն այն է, որ այս տարիներին մեր ու մեր երկրի անվտանգությունը վստահել ենք շինծու հանրապետակններին: