Գիտե՞ք՝ ինչու է Նիկոլն այսքան «հաբռգած», որովհետև 5 տարի շարունակ Նիկոլի գլխավոր ընդդիմությունը Ռոբերտ Քոչարյանի խմբակցությունն էր. Միհրան Հակոբյան

Գիտե՞ք՝ ինչու է Նիկոլն այսքան «հաբռգած»: Որովհետև 5 տարի շարունակ Նիկոլի գլխավոր ընդդիմությունը Ռոբերտ Քոչարյանի խմբակցությունն էր: Մինչ Քոչարյանն անձամբ այդ 5 տարիների կեսն անցկացրեց Հունաստանում, նրա ֆրակցիան, այդչափ ռեսուրսներով և խորհրդարանական լծակներով հանդերձ, 5 տարի շարունակ չկարողացավ/չցանկացավ քննության և հանրային դիսկուրսի թեմա դարձնել Նոյեմբերի 9-ից հետո կամուրջից ցած նետ(վ)ած տղայի մահվան գործը, Ծաղկաձորի հյուրանոցի և Մոնումենտի հայտնի դղյակի «ժողովրդին վերադարձնելու» գործերը:

 

5 տարի շարունակ չկարողացան/չցանկացան Նիկոլի ու նրա չտես շայկայի լափածը փաստերով խոթել ժողովրդի աչքը: 5 տարի շարունակ չկարողացան/չցանկացան միջազգային կազմակերպությունների աչքը խոթել Նիկոլի իրավական «բեսպրեդելն» ու թավշյա դեմոկրատիա կոչված փուչիկի պայթյունը:

 

Եվ, այո. որպես ընդդիմություն՝ Քոչարյանը նվեր է Նիկոլին, որովհետև ապացուցել է՝ ոչ մեկը չի կարող այնպես բոքսի տանձիկ աշխատել Նիկոլի համար, ինչպես դա անում է Քոչարյանը: Երբ կմտնեք ընտրախցիկ, հիշեք՝ ինքան ձեզ Նիկոլն է խաբել ու ֆռռացրել, այդքան էլ Քոչարյանն է խաբել ու ֆռռացրել՝ պառլամենտում իր թիթեռ նկարողներով հանդերձ: