ԱՄՆ Կենտրոնական հրամանատարությունը հայտնել է 100 վերուղղորդված նավերի «կարևոր եզրագծի» մասին

ԱՄՆ Կենտրոնական հրամանատարության (CENTCOM) ուժերը մայիսի 23-ին հասել են կարևոր եզրագծի՝ վերուղղորդելով 100 առևտրանավ, միաժամանակ կիրառելով Իրանի ծովային շրջափակումը, նշվել է հրամանատարության հայտարարության մեջ։

Ապրիլի 13-ին ամերիկյան զորքերը սկսել են իրականացնել Իրանի նավահանգիստներ մտնող և այնտեղից դուրս եկող առևտրանավերի շրջափակումը՝ ԱՄՆ նախագահ Դոնալդ Թրամփի հրամանագրի համապատասխան։

Վերջին վեց շաբաթվա ընթացքում ավելի քան 15 հազար զինվոր, նավաստի, ծովային հետևակային և օդաչու վեուղղորդել են 100 նավ, շարքից հանել չորսը և բաց թողել մարդասիրական օգնություն տեղափոխող 26 նավ։

Առաքելությանն աջակցում են ԱՄՆ ավելի քան 200 ինքնաթիռ և ռազմանավ, այդ թվում՝ «Աբրահամ Լինքոլն» ավիակիր հարվածային խումբը, «Ջորջ Բուշ Ավագ» ավիակիր հարվածային խումբը, «Տրիպոլի» դեսանտային խումբը/ծովային հետևակի 31-րդ էքսպեդիցիոն ստորաբաժանումը և մի քանի կառավարվող հրթիռներով ականակիրներ։

Նշվել է, որ շրջափակումը կիրառվում է բոլոր երկրների այն նավերի նկատմամբ, որոնք մտնում են Իրանի նավահանգիստներ և առափնյա շրջաններ կամ լքում դրանք՝ ներառյալ Իրանի բոլոր նավահանգիստները Պարսից և Օմանի ծոցերում։