Քննարկվել են փոխադարձ հետաքրքրություն ներկայացնող թեմաների շուրջ համագործակցության խորացման հարցեր
Եվրոպայի խորհրդի նախարարների կոմիտեի 135-րդ նստաշրջանի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպումներ և զրույցներ է ունեցել Եվրոպայի խորհրդի գլխավոր քարտուղար Ալեն Բերսեի, Մոլդովայի փոխվարչապետ և ԱԳ նախարար Միհայ Պոպշոյի, Մալթայի արտաքին գործերի և զբոսաշրջության նախարարության Գլոբալ հարցերի, միջազգային զարգացման և տնտեսական հարցերի գլխավոր վարչության տնօրեն Նևիլ Ակուիլինայի, Իտալիայի ԱԳ նախարարի տեղակալ Մասիմո Դել’Ուտրիի, Սլովակիայի արտաքին գործերի և եվրոպական հարաբերությունների նախարարության պետքարտուղար Մարեկ Էշտոկի, Խորվաթիայի արտաքին գործերի և եվրոպական հարաբերությունների նախարարության քաղաքական հարցերով պետքարտուղար Ֆրանո Մատուշիչի և Լիտվայի ԱԳ նախարարի տեղակալ Օդրա Պլեպիտեի հետ:
Զրույցների ընթացքում քննարկվել են բազմակողմ հարթակներում և միջազգային կազմակերպությունների, այդ թվում` ԵԽ շրջանակներում փոխադարձ հետաքրքրություն ներկայացնող թեմաների շուրջ համագործակցության խորացման հեռանկարները:
ՀՀ ԱԳ նախարարի տեղակալ Ռոբերտ Աբիսողոմոնյանը զրուցակիցներին ներկայացրել է այս տարի հոկտեմբերին Երևանում կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովին ընդառաջ Հայաստանի նախագահության կողմից իրականացվող նախապատրաստական աշխատանքները, այդ թվում՝ Համաժողովին նախորդող Առաջնորդների գագաթնաժողովի կարևորությունը: Ընդգծվել է Հայաստանի պատրաստակամությունն առավել ներառական Համաժողովի անցկացման և շոշափելի արդյունքների գրանցման վերաբերյալ:
ՀՀ ԱԳ նախարարի տեղակալն իր զրույցներում անդրադարձել է նաև տարածաշրջանային վերջին զարգացումներին՝ ընդգծելով Հարավային Կովկասում հաստատված խաղաղության ամրապնդման և ինստիտուցիոնալացման կարևորությունը: Այս համատեքստում կարևորվել է տարածաշրջանային հաղորդակցությունների ապաշրջափակումը և փոխկապակցվածության ապահովումը` լոգիստիկ ներուժի կիրարկման, ինչպես նաև տնտեսական համագործակցության խթանման համար:
ԵԽ նախարարների կոմիտեի 135-րդ նստաշրջանի շրջանակներում ԱԳ նախարարի տեղակալ Ռոբերտ Աբիսողոմոնյանը Եվրոպայի խորհրդի գլխավոր քարտուղար Ալեն Բերսեին է հանձնել «Մարզական մրցումների մեքենայությունների մասին» Եվրոպայի խորհրդի կոնվենցիայի վավերագիրը:
Ծանոթագրություն. «Մարզական մրցումների մեքենայությունների մասին» Եվրոպայի խորհրդի կոնվենցիան վավերացվել է ՀՀ կողմից 2026 թ. մարտի 26-ին:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
