ԱՄՆ-ն պատրաստվում է վերսկսել Իրանի դեմ լայնածավալ հարվածները

ԱՄՆ նախագահ Դոնալդ Թրամփի վարչակազմը ուսումնասիրում է Իրանի դեմ ռազմական հարվածները վերսկսելու սցենարներ, եթե դիվանագիտական ​​ջանքերը չհանգեցնեն բանակցություններում առաջընթացի։

Այս մասին հայտնել է The New York Times-ը՝ հղում անելով ԱՄՆ պաշտոնյաներին։

Հրապարակման համաձայն, Թրամփի խորհրդականներն արդեն պատրաստել են հարվածների հնարավոր վերսկսման ծրագրեր, այդ թվում՝ ավելի լայնածավալ ռմբակոծություններ՝ լարվածության սրման դեպքում։ Սակայն աղբյուրները նշում են, որ ԱՄՆ նախագահը դեռևս վերջնական որոշում չի կայացրել։ 

Թրամփը լրագրողներին ասել է, որ Իրանի վերջին խաղաղության առաջարկը համարում է անընդունելի՝ ընդգծելով, որ պատրաստ չէ քննարկել այն նախաձեռնությունները, որոնք չեն ծառայում ԱՄՆ շահերին։