Այդ ե՞րբ են ադրբեջանցիները հերքել, որ չեն պատրաստվում գալ և ապրել Հայաստանում․ Արամ Կարապետյանը հակադարձել է Փաշինյանին

Նիկոլ Փաշինյանը վստահեցրել է, թե իբր պաշտոնական Բաքուն երբեք չի հայտարարել ադրբեջանցիների վերադարձի մասին՝ «Արևմտյան Հայաստան»։

Նա քարոզարշավի ժամանակ, հիստերիկ տոնայնությամբ , բղավելով փորձում էր համոզել, որ նման բան երբևէ չի եղել ու, ինքն էլ 300 000 ադրբեջանցու բնակեցման հարց իր առաջ չի դրել։

Անդրադառնալով Փաշինյանի այս հայտարարությանը, քաղաքական գործիչ Արամ Կարապետյանը նշել է․ «Այդ ե՞րբ են ադրբեջանցիները հերքել, որ չեն պատրաստվում գալ և ապրել Հայաստանում...

Խնդրեմ, ընդամենը մի քանի՝ «չոր փաստերը»…»,-գրել է նա և  հրապարակումներ ներկայացրել․

ԲԱՔՈՒ, 3 նոյեմբերի, 2025թ. – ՌԻԱ Նովոստի։

Ադրբեջանի նախագահ Իլհամ Ալիևը հայտարարել է, որ ադրբեջանցիների վերադարձը ներկայիս Հայաստան չպետք է վախեցնի հայ ժողովրդին կամ հայկական պետությանը։

«Ադրբեջանցիները երբեք չեն վարակվել անջատողականության հիվանդությամբ։ Մեր ժողովուրդը միշտ նպաստել է այն երկրների պետականությանը, որտեղ ապրում են, և այսօր ոչ մի երկրում գտնվող ադրբեջանցիները խնդիրներ չեն ստեղծել և չեն ստեղծի որևէ պետության կամ որևէ այլ ժողովրդի համար։ Հետևաբար, ադրբեջանցիների վերադարձը ներկայիս Հայաստան չպետք է վախեցնի հայ ժողովրդին կամ հայկական պետությանը», - ասել է Ալիևը՝ ելույթ ունենալով երկրի Գիտությունների ազգային ակադեմիայի 80-ամյակին նվիրված հոբելյանական նիստում։

2024 թվականին Ալիևը հայտարարել է, որ նախկինում Հայաստանում բնակվող ադրբեջանցիները, ի վերջո, կվերադառնան իրենց հայրենի հողեր, և որ «դրա համար անհրաժեշտ է միայն Երևանի քաղաքական կամքը»։

Սա առաջին անգամը չէ, որ Ալիևը բարձրաձայնում է ադրբեջանական բնակչությանը ներկայիս Հայաստան վերադարձնելու գաղափարը։ 2022 թվականին նա հայտարարեց, որ Բաքուն ակնկալում է, որ Երևանը հստակ հայտարարություն կանի այն մասին, թե ինչպես կարող են «այսօրվա հայկական տարածքից, Արևմտյան Ադրբեջանից վտարված կամ վտարվածների ժառանգները վերադառնալ իրենց պատմական հողեր՝ այցելել դրանք կամ ապրել դրանց վրա»։ Ներկայումս ադրբեջանական բնակչության զանգվածային վերադարձի հարցը Հայաստան մնում է չլուծված։