Ինչի դիմաց է Առուշանյանն աշխատում ՔՊ-ի օգտին, և ինչ պաշտոն պետք է զբաղեցնի Գորիսի նախկին փոխքաղաքապետ Իրինա Յոլյանը, եթե հաղթի «Ուժեղ Հայաստան»-ը

Դեռևս 2021-ի ընտրություններից հետոյի դրությամբ ընդդիմադիրի դիմակով հանդես եկող Առուշ Առուշանյանը 2-3 տարի առաջ արդեն կերպարանափոխվեց ու դարձավ կիսանիկոլական: Այսօր նա մաքուր նիկոլական է. գնում է նրա հետ հանդիպումներին, կռանում նրա առաջ, ձեռքով բարևում և այլն: Մոռանում է, որ մի ժամանակ քննչական մարմինների ներկայացուցիչներին «կապիկ» էր անվանում: 

Եվ ահա, NEWSPRESS.am-ի տեղեկություններով` մոտ երկու ամիս առաջ Առուշանյանն իր մտերիմ շրջապատում անկեղծացել է, թե ինչ պայման են առաջարկել իրեն իր ազատության դիմաց. նա ընտրություններին պետք է աշխատի ՔՊ-ի համար, և Գորիսի քաղաքապետի ընտրություններին չառաջադրվի, քանի որ Գորիսի քաղաքապետի պաշտոնում ՔՊ-ականները յուրային` իրենց համար ավելի վստահելի թեկնածու ունեն: 

Ըստ մեր աղբյուրի` այս մասին տեղեկանալով է, որ մարտի 16-ին Գորիսի փոխքաղաքապետ Իրինա Յոլյանն ազատման դիմում է գրել: Յոլյանը, ըստ նույն աղբյուրի, ինքն է դիմել` միանալու «Ուժեղ Հայաստան» կուսակցությանը, և, ինչպես տեսանք, նրանց համագործակցությունը ստացվել է: 

Բացի դրանից, պայմանավորվածություն է ձեռք բերվել նաև այն մասին, որ եթե «Ուժեղ Հայաստանը» հաղթի ընտրություններում, ապա Յոլյանը նշանակվելու է Սյունիքի մարզպետ: