Ախալցխայի Սուրբ Նշան եկեղեցուց սրբապատկերները հանվել և նետվել են աղբամանի մոտ
Ախալցխայում Մարդա բնակավայրի եկեղեցիներից մեկից անհայտ անձինք դուրս են բերել սրբապատկերները և դրել աղբամանի կողքին: sknews.ge-ի հաղորդմամբ, դեպքը տեղի է ունեցել մայիսի 11-ի լույս 12-ի գիշերը։ Բնակիչները սրբապատկերները եկեղեցի են վերադարձրել հաջորդ օրը։
Վրաստանի Ներքին գործերի նախարարությունը հետաքննություն է սկսել Քրեական օրենսգրքի 155-րդ հոդվածի համաձայն՝ կրոնական ծիսակատարության անօրինական խոչընդոտում։
Ըստ տեղեկությունների, եկեղեցին երկար տարիներ վեճի առարկա է եղել ուղղափառ և Հայ առաքելական թեմերի միջև, և այնտեղ այլևս պատարագներ չեն մատուցվում։
Ախալցխայի հոգևոր տեսուչ Հոգեշնորհ Տեր Հակոբ աբեղա Սահակյանը պատմել է, որ չգիտի, թե ով և ինչու է տաճարից դուրս բերել սրբապատկերները:
«Երեկոյան ես նույնպես այնտեղ էի: Ամենայն հավանականությամբ, դա տեղի է ունեցել ուշ գիշերը՝ ժամը երկուսից հետո: Ամեն ինչ դուրս էր բերվել՝ սրբապատկերները և այլ իրեր: Այդ ամենի վրա աղբ էր լցված: Սրբապատկերները շատ վատ վիճակում էին: Մենք ամեն ինչ հետ ենք տարել և դրել իրենց տեղերում: Չգիտենք, թե ով է դա արել: Նորմալ մարդն այդպես չէր վարվի»,- ասել է նա:
Մոտակա տների բնակիչները մայիսի 12-ի առավոտյան, երբ դուրս էին եկել աղբը դեն նետելու, նկատել էին սրբապատկերները իրենց աղբամանների մոտ։ Նրանք սրբապատկերները վերադարձրել էին եկեղեցի և դրանց մասին հայտնել հոգևորականներին ու իրավապահ մարմիններին։
akhaltskha.net-ը միջադեպի մասին գրում է. «Վերջին օրերին Ախալցխայի հնամենի Սուրբ Նշան եկեղեցում տեղի ունեցած սրբապիղծ արարքը բուռն արձագանք է գտել հասարակության շրջանում: Անհայտ անձանց կողմից իրականացված վանդալիզմը, որի թիրախում հայտնվել էին եկեղեցում զետեղված սրբապատկերները, մասնագետների և հոգևորականների կողմից որակվում է որպես հեռահար նպատակներ հետապնդող սադրանք:
Հայ Առաքելական եկեղեցու Սուրբ Նշան եկեղեցին (որը այսօր վիճելի է համարվում), թեև այսօր չի գործում, շարունակում է մնալ հոգևոր ձգողության կենտրոն տեղի հայ առաքելականների համար։ Հավատացյալները` հայերը և վրացիները, ի նշան միասնական հավատի, տարիներ շարունակ այնտեղ են բերում թե՛ հայկական, թե՛ վրացական պատկերագրությանը պատկանող սրբապատկերներ: Սակայն օրերս սրբարանի խաղաղությունը խաթարվել է. վանդալները եկեղեցուց դուրս են բերել սրբապատկերները և դրանք նետել մոտակա աղբարկղը: Տեղի բնակիչների զգոնության շնորհիվ սրբապատկերները հայտնաբերվել և վերադարձվել են եկեղեցի: Ախալցխայի հոգևոր տեսուչ Հոգեշնորհ Տեր Հակոբ աբեղա Սահակյանը կատարվածը որակել է որպես բացահայտ հակաքրիստոնեական ակտ՝ շեշտելով, որ վանդալները տարբերություն չեն դրել դավանաբանական նրբությունների միջև՝ թիրախավորելով երկու քրիստոնյա եկեղեցիների սրբապատկերները»։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
