Հայ ըմբիշների տպավորիչ ելույթները Մ-17 ԵԱ-ում. 1 ոսկե, 1 արծաթե, 2 բրոնզե մեդալ և ևս 2 եզրափակիչ

Հայաստանի ըմբշամարտի հավաքականը փայլուն ելույթներ է շարունակում ունենալ Մ-17 Եվրոպայի առաջնությունում: Մրցաշարային հերթական օրը հայ ըմբիշները նվաճել են 4 մեդալ, իսկ ևս երկու մարզիկ դուրս է եկել եզրափակիչ՝ ապահովելով առնվազն արծաթե պարգև։

Զավեն Մեժլումյանը դարձել է առաջնության արծաթե մեդալակիր: Եզրափակչում մեր մարզիկը 3-6 հաշվով զիջել է Ասլան Ձուևին և գրավել երկրորդ հորիզոնականը:

55 կգ քաշային Գեղամ Եղիազարյանը նվաճել է բրոնզե մեդալ: Վճռորոշ գոտեմարտում հայ ըմբիշը 3-3 հաշվով (լրացուցիչ ցուցանիշներով) առավելության է հասել Կեվե Կովաչի նկատմամբ:

48 կգ քաշային Արարատ Ավետիսյանը ևս դարձել է ԵԱ-ի բրոնզե մեդալակիր։ Երրորդ տեղի համար գոտեմարտում Ավետիսյանը վստահ՝ 10-4 հաշվով հաղթել է Տիմուր Մախարամովին:

Եվս երկու հայ ըմբիշ վաղը կգոտեմարտի ոսկե մեդալի համար:

92 կգ քաշային Ալեքսան Շալջյանը կիսաեզրափակչում 6-0 հաշվով անպատասխան հաղթանակ է տոնել ադրբեջանցի Զոհրաբ Սաֆարովի նկատմամբ ու դուրս եկել եզրափակիչ:

71 կգ քաշային Ջանես Նազարյանն իր հերթին կիսաեզրափակչում ժամանակից շուտ տպավորիչ հաղթանակ է տարել իտալացի Նիկոլաս դե Գրեցիսի նկատմամբ:

Երկու ըմբիշներն էլ չեմպիոնության համար կպայքարեն վաղը կայանալիք գոտեմարտերում:

Armsport