«Դուք հանձնել եք Արցախը, 5 հազար տղաների մահվան պատասխանատուն եք». քաղաքացու այս խոսքերը Փաշինյանին հունից հանեցին (տեսանյութ)

«Ես 2018թ-ին, երբ ձեզ ձերբակալում էին, ձեր կողքին իմ թևն էլ կոտրեցին, այդպես կոտրած թևով մասնակցում էի ձեր ցույցերին։ Այն ժամանակ համոզված էի և ասում էի, որ իշխանությունը պետք է փոխվի, հիմա էլ նույնը ձեզ եմ ասում, սրտանց եմ ասում, որովհետև Հայաստանի համար եմ անհանգստանում»,-ՔՊ-ի քարոզարշավի ժամանակ ասաց քաղաքացի Արամ Գրիգորյանը։

Փաշինյանը փորձեց ընդհատել, բայց քաղաքացին շարունակեց, ասելով՝ դուք հանձնել եք Արցախը և 5000 տղաների զոհվելու պատճառ եք դարձել։

«Որտեղից էդ 5000 թիվը»,-վրդովված քաղաքցուն հարցրեց Նիկոլ Փաշինյանը։

Քաղաքացին ասաց, որ այն իշխանությունների հրապարակած թվերն են։

«Մենք տենց թիվ չենք ասել, դուք էդ ստահակների բառապաշարն եք վերցնում, ձեզ քի՞չ է զոհերի թիվը, մի հատ էլ 5000 թիվն եք վերցնում»,-գոռգռաց Փաշինյանը։

Գրիգորյանն ասաց՝ թեկուզ 3000 լինեն զոհերը և Ալեն Սիմոնյանին հարցրեց, թե այն արդյոք քիչ է։

 Ալեն Սիոնյանի փոխարեն պատասխանեց Նիկոլ Փաշինյանը՝ ասելով. «Չէ, քիչ չէ, այդ զոհուղությունների արդյունքում մենք պետություն ու անկախություն ենք ստացել»։

Քաղաքացին կասկածեց «անկախության» հարցում ՝ հարցնելով. «Ունե՞նք, պարոն Փաշինյան»։

«Այո ունենք և այն, որ դուք եկել վարչապետի դիմաց կանգնել ասում եք, էդ նշանակում է, որ մենք պետություն ունենք, անկախություն և ժողովրդավարություն, որովհետև եթե 15 տարի առաջ ասիք, հիմա ձեզ զուգարանում զխկելով սպանում էին»,- վրդովվեց Փաշինյանը։

Զրույցի ընթացքում Փաշինյանը ներողություն խնդրեց «ավել, պակասի» համար և հայտարարեց, որ իրեն վրդովվեցրեց 5 հազար թիվը, իսկ մնացած հարցերին տասնյակ անգամ է խոսել։

Փաշինյանը Արամ Գրիգորյանին հարցրեց, թե որտեղ է եղել պատերազմի ժամանակ։ Քաղաքացին ասաց, որ իրեն չեն կանչել։ Փաշինյանն ասաց որ իր տղային էլ չեն կանչել բայց ինքը գնացել է։

 Գրիգորյանը նշեց, որ ինքը հերթագրվել է զինկոմիսարիատում բայց իրեն չեն տարել և զիկոմիսարիատները մոբիլիզացիան լավ չեն կազմակերպել, արդյո՞ք Փաշինյանը տեղյակ չէ։

 Փաշինյանն ասաց, որ տեղյակ է, բայց կրկնեց  որ քաղաքացին բոլոր դեպքերում պետք է գնայր։

Գրիգորյանը հարցրեց. «Բա պետության դերը դա չէ որ կազմակերպեր զորահավաքը, ինչու եք նորից ժողովրդի վրա բարդում»։

Փաշինյանը չէր կարող չհամաձայնել այդ մտքի հետ։