Ադրբեջանական ղեկավարությունը գնաց վաբանկ. Հայկ Դեմոյան (տեսանյութ)

«Միամիտ պետք է լինել կարծելու, որ Ադրբեջանը չէր պատրաստել այս սցենարը, այս սցենարը գոյություն ուներ»:  Անդրադաձ մամուլի ակումբում նշեց Ցեղասպանության թանգարան –ինստիտուտի տնօրեն Հայկ Դեմոյանը:

«Գիտեք, որ արտաքին ճակատում Ադրբեջանն այդքան էլ ուժեղ չէ՝ կան սանկցիաներ, նավթի գինը անկում է ապրում, տեղեկատվական հոսքերը զարգանում են ոչ հօգուտ Ադրբեջանի: Մենք գործ ունենք նավթային մեղրամսի ավարտի հետ։ Վերջացավ։ Մի նոր փուլ է սկսվում Ադրբեջանի համար, որը ես կկոչեի՝ դանդաղ սահուն, բայց հաստատ անկման ռեժիմով ադրբեջանական պետության անկում։ Ապրիլյան այս զանգը ազդարարեց նոր փուլի մասին, որ ադրբեջանական ղեկավարությունը գնաց «վաբանկ»։ Ռազմական արկածախնդրությունը ոչ միան թղթախաղի սիրահար Ալիևի քմահաճույքն է, այլ վկայում էր այն մասին, որ փրկել է պետք ադրբեջանական պետականության թուլացումը»,-ասաց Դեմոյանը:

Նրա կարծիքով` Ադրբեջանի նախագահն իր բերանով ընդունել է իրենց կապիտուլիացիան, որը հայր՝ Հեյդար Ալիևը, ընդունել էր դեռ տարիներ առաջ Բիշքեկում, իսկ որդին՝ Իլհամ Ալիևը, ընդունեց «Թվիթեր»–ում։ Հ․Դեմոյանը շեշտեց՝ Ադրբեջանը կրել է ռազմական պարտություն։

Ադրբեջանը քառօրյա պատերազմը սկսեց շաբաթ և կիրակի օրերին, հույս ունենալով, որ տեղեկատվական դաշտում ինֆորմացիայի բացակայությունը կաշխատի հօգուտ իրեն: Միաժամանակ ադրբեջանական կողմը գործի դրեց զենքի այն տեսականին, որը վկայեց իրենց խուճապահար լինելու մասին։, նկատում է Հայկ Դեմոյանը,:

Մանրամասները՝ տեսանյութում