Ադրբեջանը ստանալով տավուշյան երեք գյուղերը՝ հրաժարվում է շարունակել սահմանազատումը. Զուրաբյան

«Նիկոլ Փաշինյանն ու Իլհամ Ալիևը փորձում են մեզ համոզել, որ Հայաստանի և Ադրբեջանի միջև արդեն խաղաղություն է, սակայն փաստերը վկայում են, որ մենք գործ ունենք Փաշինյանի հերթական մի մեծ խաբեության հետ»,- ասել է ՀԱԿ փոխնախագահ, ՀԱԿ վարչապետի թեկնածու Լևոն Զուրաբյանը։

Ըստ նրա, հակառակը՝ չնայած Փաշինյանն անդադար միակողմանի զիջումների է գնում, Ադրբեջանը հրաժարվում է  ստորագրել խաղաղության  նախաստորագրած պայմանագիրը։

«Ադրբեջանն ու Թուրքիան շարունակում են Հայաստանի շրջափակումը, ինչը, ըստ միջազգային իրավունքի, համարվում է  պատերազմական գործողություն։

Ադրբեջանը ստանալով տավուշյան երեք գյուղերը՝ հրաժարվում է  շարունակել  սահմանազատումը, չի պատրաստվում դուրս գալ Հայաստանի օկուպացված տարածքներից, չի վերադարձնում մեր գերիներին՝ ապացուցելով, որ, ըստ էության, պատրաստ չէ հաշտության»,- նշում է  Զուրաբյանը։

Նա ընդգծում է, որ ԹՐԻՓՓ նախագիծը չի կարող ապահովել խաղաղություն, քանի որ նրա գլխավոր նպատակն է ՌԴ դուրսբերումը Հարավային Կովկասից և Իրանի մեկուսացումը, այն նաև անտեսում է Հնդկաստանի ու Չինաստանի շահերը։

«Այսպիսով, ԹՐԻՓՓ ծրագրի միակողմանի իրագործումը ստեղծում է աշխարհաքաղաքական լարվածություն, որն ամեն րոպե կարող է պայթեցնել խաղաղությունը։

ՀԱԿ-ը մերժում է  Փաշինյանի հերթական   նախընտրական ստերն ու  առաջարկում է  ԹՐԻՓՓ+ԲՐԻԿՍ ծրագիրը, որը կբավարարի ու կներդաշնակեցնի շահագրգիռ բոլոր գետերությունների տրանզիտային շահերը Հայաստանում ու կբերի հարատև  ու կայուն խաղաղություն»,- ասել  Զուրաբյանը։