Վեցերորդ վարչությունը ստուգում է ԴԱՀԿ պետ Միհրան Պողոսյանին

Այս պահին ԴԱՀԿ պետ Միհրան Պողոսյանի օֆշորային գոտում ունեցվածքի նյութի հրապարակման հիման վրա Ոստիկանության վեցերորդ վարչությունը ստուգումներ է իրականացնում: Այս մասին newspress.am հաղորդեց ՀՀ ոստիկանության հասարակայնոթւյան հետ կապերի վարչության պետի տեղակալ Արմեն Մալխասյանը:

Հիշեցնենք, որ hetq.am-ը օրերս անդրադարձել էր ՀՀ գլխավոր հարկադիր Միհրան Պողոսյանի ունեցվածքին, մասնավորապես նշվում էր, որ ՀՀ գլխավոր հարկադիր կատարող, արդարադատության գեներալ-մայոր Միհրան Պողոսյանը խորը արմատներ է գցել օֆշորային գոտիներում։ Այնտեղ գրանցած ընկերությունների միջոցով բիզնես է անում, իր պաշտոնն օգտագործում է սեփական բիզնեսի զարգացման համար և թաքցնում է եկամուտները:
Նշենք, որ «Հետքը» մասնակցել է Հետաքննող լրագրողների միջազգային կոնսորցիումի համատեղ (ICIJ) նախագծին. այս անգամ գաղտնազերծվել են Բրիտանական Վիրջինյան կղզիներում, Պանամայում, Սեյշելներում, Բահամյան կղզիներում, Նևադայում, Հոնկ Կոնգում, Միացյալ Թագավորությունում, Բելիզում, Կոստա Ռիկայում, Մալթայում, Նոր Զելանդիայում, Կիպրոսում, Սինգապուրում և մի քանի այլ վայրերում գրանցված միլիոնավոր օֆշորային ընկերությունների փաստաթղթեր: Տվյալների այդ բազայում կան նաև հայաստանցիներ: ԱՆ ԴԱՀԿ ծառայության պետ Միհրան Պողոսյանը և նրա քեռիների՝ Գրիգորի եւ Միխաիլ Հարությունյանների ընտանիքների անդամների անունները այդ ցուցակում են։

ICIJ-ի տվյալները պարունակում են 11,5 մլն փաստաթուղթ, այդ թվում՝ 214,488 իրավաբանական անձանց (ընկերություններ, վստահորդներ և հիմնադրամներ), 14,153 հաճախորդներ/միջնորդների մասին: Այդ փաստաթղթերում արծարծվում են 12 երկրի ղեկավարների, Ֆորբս ամսագրում ընդգրկված 29 միլիարդատերերի անուններ: Փաստաթղթերն առնչվում են 200-ից ավելի երկրների և տարածքների: Նախագծին մասնակցել է 376 լրագրող և 109 մեդիա կազմակերպություն 76 երկրից: Հետաքննությունը տևել է մեկ տարի: Գերմանական Süddeutsche Zeitung-ին անանուն աղբյուրը փոխանցել է փաստաթղթերը, և պարբերականն այն տրամադրել է ICIJ-ին, որը և կազմակերպել է համագործակցությունը: Գաղտնազերծվել է միջնորդ/գրանցող Mossack Fonseca & Co. փաստաթղթաշրջանառությունը:

Արդարադատության գեներալ-մայորը ստում է

40-ամյա այս պաշտոնյան 2008 թվականից զբաղեցնում է գլխավոր դատական հարկադիր կատարողի պաշտոնը: Իր մասնագիտական կարիերան սկսել է Ազգային անվտանգության ծառայությունից: ՀՀ ԱԱԾ պետի ֆինանսական գծով տեղակալը այդ տարիներին եղել է Գրիգորի (Գրիշա) Հարությունյանը՝ Միհրան Պողոսյանի քեռին:
Համաձայն գաղտնազերծված փաստաթղթերի՝ ՀՀ գլխավոր հարկադիր կատարողը բաժնետեր է Պանամայում գրանցված երեք ընկերությունների՝

«Սիգթեմ ռեալ իսթեյթ ինքորփորեյթիդ» (Sigtem Real Estates Incorporated)
«Հոփքինթեն թրեյդինգ ինքորփորեյթինգ» (Hopkinten Trading Incorporated)
«Բանջիո ինվեստ» ԲԸ (BANGIO INVEST S.A.):
Mihran Poghosyan on Linkurious.

Մանրամսները` սկզբնաղբյուր կայքում