Իտալական հեռուստաընկերության լրագրողն Արցախի առաջնագծում (տեսանյութ)

Իտալական Sky TG24 լրատվական հեռուստաալիքի լրագրողը ռեպորտաժ է պատրաստել Լեռնային Ղարաբաղից՝ մեկնելով առաջնագիծ։

Հայ դիրքապահները իտալացի լրագրողին դիմավորում են դիրքերում և հորդորում պահպանել անվտանգության կանոնները: Նրաք բացատրում են, որ դիմացը հակառակորդի դիպուկահարներն են:

Լրագրողը նշում է, որ ադրբեջանցիները գտնվում են 150 մետր հեռավորության վրա, և հարկավոր է խոսել ցածր ձայնով, իսկ դիմացը տեսնելու համար հարկավոր է նայել հատուկ դիտման համար պատրաստված անցքի միջով, այն էլ՝ ընդամենը մի քանի վայրկյան, այլապես կարելի է գլխին կրակոց ստանալ։ Նա հետաքրքրվում է նաև, թե ինչի համար են ժանգոտած տարրաները:

«Այս խրամատներում տարվող պատերազմը երկար պատմություն ունի»,- ասում է լրագողը և հիշեցնում 1990-ականների պատերազմի մասին։

Զինվորականը լրագրողին պատմում է, թե ինչպես են ադրբեջանցիներն օրեր առաջ հարձակվել իրենց դիրքերի վրա և թե իրենք ինչպես են հետ մղել նրանց: «Մենք կրակում ենք միայն մեզ պաշտպանելու համար, երբեք չենք հարձակվում»,- ասում է նա։

Տեսանյութը կարող եք դիտել՝ այստեղ։