Իրանը համաձայնել է Հորմուզի նեղուցի փուլային բացմանը

Իրանը համաձայնել է աստիճանաբար բացել Հորմուզի նեղուցը՝ ամերիկյան ծովային շրջափակման վերացմանը զուգընթաց՝ Վաշինգտոնի հետ հակամարտությունը լուծելու համար: Այս մասին հաղորդում է The Wall Street Journal-ը՝ հղում անելով աղբյուրներին:

Իրանը հրաժարվեց ապամոնտաժել իր միջուկային օբյեկտները և առաջարկեց ուրանի հարստացման դադար սահմանել ավելի կարճ ժամանակահատվածով, քան պահանջել էր ԱՄՆ-ն։ Վաշինգտոնը պնդեց 20-ամյա կասեցումը:

Ավելին, Թեհրանը թույլ կտար հարստացված ուրանի պաշարները փոխանցել երրորդ երկիր՝ բանակցությունների ձախողման դեպքում դրանց վերադարձման երաշխիքով։ Իրանը կոչ արեց անհապաղ դադարեցնել ռազմական գործողությունները։ Միջուկային հարցերը պետք է համաձայնեցվեն հաջորդ 30 օրվա ընթացքում, ընդգծվում է Թեհրանի առաջարկության մեջ։

Իրանական «Թասնիմ» լրատվական գործակալությունը, հղում անելով աղբյուրներին, հաղորդում է, որ Թեհրանը պահանջել է վերացնել ԱՄՆ պատժամիջոցները, դադարեցնել պատերազմը բոլոր ճակատներում և հաստատել իրանական վերահսկողությունը Հորմուզի նեղուցի նկատմամբ։ Մասնավորապես, Իրանը պնդում է ԱՄՆ ֆինանսների նախարարության կողմից Իրանի նավթի նկատմամբ սահմանված պատժամիջոցների վերացում։

Փաստաթղթում նշվում է, որ ԱՄՆ ռազմածովային շրջափակումը պետք է դադարեցվի անմիջապես նախնական համաձայնագրի ստորագրումից հետո։