Այս զավեշտալի շոուն գովազդել են մի շարք «Քաղաքականությամբ չզբաղվող» բլոգերներ. Նիկոլի բրոշն էին գովազդում. հետաքրքիր է՝ հասկանալո՞վ են արել. Սամվել Աշոտյան

Սամվել Աշոտյանը ֆեյսբուքյան իր էջում գրել է.

#Մայիսի1յան տոնը նախընտրական քարոզչության ու հերթական «խորոված փարթիի» վերածելն առնվազն անհարգալից է տոնի խորհրդի նկատմամբ.

Սույն Միջոցառմանն ակնհայտորեն բավականին համեստ քանակի մարդ էր մասնակցում։ Իսկ դրոնով նկարներ, ես անձամբ չեմ տեսել։ Եթե դուք տեսել եք, խնդրեմ, կիսվեք։

Աշխատանքի օրվա կապակցությամբ էլ՝ ոչ աշխատանքային օրով մարդկանց բերել էին հրապարակ՝ անհայտ է սեփական կամքով, թե՞ հարկադրաբար։ Ինչպես և անհայտ է ՝ արդյոք գոնե արտաժամյա վճարվե՞լ են։

Բայց ես կցանկանայի այլ բանի վրա ուշադրություն դարձնել։ Այս զավեշտալի շոուն գովազդել են մի շարք «Քաղաքականությամբ չզբաղվող» բլոգերներ՝ հասկանալով դա, թե ոչ, նախընտրական քարոզչությամբ են զբաղվել։

Այլ բլոգերներ, կրկին «Քաղաքականությամբ չզբաղվող» , Նիկոլի բրոշն են գովազդում ու Նիկոլին կոչում «գերագույն գլխավոր հրամանատար»։

Եթե իրենք այսօր պատահաբար հիշել են իրենց քաղաքացիական իրավունքների մասին, որոշել են անպայման օրը 4-5 անգամ իրենց դիրքորոշումներով կիսվել ու գովազդել քարոզչական միջոցառումներ, ապա մենք իրենց դիրքորոշումը պիտի հարցնենք նաև Անկախության հռչակագրի փոփոխության մասով, Տիգրանաշենի հանձնման հարցով, Արարատից՝ ազգային գլխավոր սիմվոլից հրաժարվելու մասով, Ցեղասպանության ժխտողականության մասով, Արցախի Հայաթափման մասով ուս էսպես շարունակ։

Ինձ անկեղծ հետաքրքիր է քաղաքական դիրքորոշում ունեցող ու դրա մասին հանրային հայտարարող քաղաքականացված բլոգերների կարծիքն այս հարցերում։

Արժի, չէ՞ հարցնել