«Օրն իրավունքների պաշտպանության առաջնագծում». Մարդու իրավունքների պաշտպանը մեկնարկում է նոր նախագիծ
«Օրն իրավունքների պաշտպանության առաջնագծում». Մարդու իրավունքների պաշտպանը մեկնարկում է նոր նախագիծ, որի գլխավոր նպատակն է լսելի դարձնել երիտասարդների ձայնը և նրանց հետ համատեղ հաղթահարել իրավունքների ոլորտին առնչվող մարտահրավերները։
ՄԻՊ-ից հայտնում են, որ համարձակ ու մարդու իրավունքներով հետաքրքրված, նոր փոփոխությունների համար բաց և դրանց ուղղությամբ աշխատող. այսպիսին է նախագծի առաջին մասնակիցը` եզդիական համայնքը ներկայացնող, դպրոցական Քրիստինե Հասոյանը Արմավիրի մարզից։
Մարդու իրավունքների պաշտպան Անահիտ Մանասյանը Քրիստինեին հանդիպել է հերթական մարզային այցի շրջանակներում՝ Արմավիրի մարզի Զարթոնք բնակավայրում: Հանդիպման ընթացքում Քրիստինեին հետաքրքրող հարցը վերաբերում էր իր համայնքում փոփոխություններ բերելու հնարավորություններին, մասնավորապես, աղջիկների կրթության իրավունքի երաշխավորմանը, այդ առումով առկա խոչընդոտների հաղթահարմանը, վաղ և հարկադիր ամուսնությունների կանխարգելմանը և այլն:
Մարդու իրավունքների պաշտպանը վստահ մեր միջավայրում փոփոխությունները հնարավոր են յուրաքանչյուրիս ակտիվ ներգրավմամբ ու այնպիսի խնդիրների բարձրաձայնման համարձակությամբ, որոնք շոշափելու համար հիրավի անհրաժեշտ է խիզախություն:
Այս հանգամանքները նկատի ունենալով է Պաշտպան Անահիտ Մանասյանը կարևորել Քրիստինեի ներգրավումը նախագծի շրջանակներում:
«Օրն իրավունքների պաշտպանության առաջնագծում» նախագիծը լինելու է շարունակական։
Եթե երիտասարդ ես՝ աշակերտ կամ ուսանող, և վստահ ես, որ ուզում ես պատասխանատվություն ստանձնել հասարակությունում առկա մարտահրավերները բարձրաձայնելու և հաղթահարելու գործում, ապա նախագծի հաջորդ մասնակիցը կարող ես լինել հենց դու։
Մասնակիցները հնարավորություն են ունենալու անմիջականորեն ծանոթանալու Մարդու իրավունքների պաշտպանի գործունեությանը, ներգրավվելու աշխատանքային գործընթացներում, բարձրաձայնելու իրավունքներին առնչվող` մեր միջավայրում առկա խնդիրները և առաջարկելու դրանց համար լուծումներ։ Սա նաև հարթակ է՝ զարգացնելու իրավական գիտելիքները, ձեռք բերելու նոր փորձառություն և դառնալու ավելի ակտիվ ու իրազեկ քաղաքացի։
Ուղարկիր մոտիվացիոն նամակ և պատմիր քո մասին՝ նշելով թե ինչո՞ւ հենց դու պետք է լինես նախագծի հաջորդ մասնակիցը։ Նամակների ուսումնասիրությունից հետո ընտրված մասնակիցները կհրավիրվեն հարցազրույցի:
Քո պատմությունն ուղարկիր՝ [email protected] հասցեին:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
