Մի քիչ լարված էի, բայց հիմա համոզված եմ․ ինչպես ասում են՝ անցնում ենք գործի․ Փաշինյան

Ֆուտբոլի մինչև 20 տարեկանների 2029 թվականի աշխարհի առաջնությունը տեղի կունենա Հայաստանում և Վրաստանում:  Այս մասին կառավարության նիստում ասաց Նիկոլ Փաշինյանը։ 

«Ուզում եմ ուրախությամբ արձանագրել, որ FIFA-ն մի շատ կարևոր որոշում է կայացրել՝ 2029 թվականի Աշխարհի մինչև 20 տարեկանների ֆուտբոլի առաջնությունը տեղի կունենա Հայաստանում և Վրաստանում»,- ասաց նա՝ հավելելով՝ «Ուզում եմ թե՛Վրաստանին, թե մեզ շնորհավորել այդ առիթով»։

Ըստ Փաշինյանի, այն մեծ իրադարձություն է Երկրի կյանքում՝ և՛ ֆուտբոլային, և՛ մնացած բոլոր առումներով։

«Եվ հիմա, ինչպես ասում են, անցնում ենք գործի։ Ինչպես նախատեսված է նախ պետք է ձևավորվի աշխատանքային խումբ՝ էս տրամաբանության մեջ փոխվարչապետ Տիգրան Խաչատրյանի գլխավորությամբ»,-ասաց Փաշինյանը և կարևորց, որ FIFA-ի և Վրաստանի հետ քննարկեն, թե կազմկոմիտեն միասնական է լինելու, թե առանձին։

«Ես մի քիչ լարված էի, բայց հիմա համոզված եմ, որ ամեն ինչ իրատեսական է, որ մինչև առաջնության մեկնարկը կունենանք ստադիոն»,- ասաց Փաշինյանը։

ԿԳՄՍ նախարար Ժաննա Անդրեասյանը ասաց, որ ակնկալում են մոտ 100000 երկրպագու և  Հայաստանում տեղի կունենա 30 խաղ՝ Երևանում կլինի մինչև 20 խաղ, իսկ Վանաձորում և Իջևանում միասին 10 խաղ։

Նա նշեց, որ շատ մեծածավալ իրադարձություն է 2029 թվականի սեպտեմբերին և արդեն որոշումներ են ընդունել Վանաձորի ստադիոնի վերանորոգման, իսկ Իջևանում նորը կառուցելու ուղղությամբ՝ FIFA-ի չափանիշենրով։

 Փաշինյանն էլ ասաց, թե աննախադեպ շատ են լինելու զբոսաշրջիկները՝ հավելելով. «Այդքան երկրպագու մտնեն Իջևան կարող է սնունդը վերջանա»։

Նիկոլ Փաշինյանը կառավարության այսօրվա նիստում հայտարարեց, թե պետք է մասքիմալն անել, որ հայաստանյան բիզնեսն օգուտ ունենա սրանից։

Փաշինյանը կոչ արեց, որ ճանապարհներն էլ լինեն լավ վիճակում։