Հայաստանն ու Սերբիան պատրաստվում են համատեղ բիզնես-ֆորումի և գիտատեխնոլոգիական Expo-ի
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր տեսահանդիպում է ունեցել Սերբիայի ներքին և արտաքին առևտրի նախարար Յագոդա Լազարևիչի հետ։ Այս մասին տեղեկացնում են ԿԳՄՍՆ-ից:
Տեսահանդիպումը նվիրված է եղել Հայաստանի Հանրապետության և Սերբիայի Հանրապետության միջև տնտեսական և գիտատեխնիկական համագործակցության միջկառավարական հանձնաժողովի անդրանիկ նիստի նախապատրաստական աշխատանքների քննարկմանը։ Հանդիպմանը մասնակցել է նաև ԿԳՄՍ նախարարի տեղակալ Արթուր Մարտիրոսյանը։
Միջկառավարական հանձնաժողովի հայկական կողմի նախագահ է նշանակվել Ժաննա Անդրեասյանը, իսկ սերբական կողմից՝ Յագոդա Լազարևիչը:
ԿԳՄՍ նախարարը ողջունել է գործընկերոջը և կարևորել միջկառավարական հանձնաժողովի ձևավորումը՝ որպես երկկողմ հարաբերությունների զարգացման և համագործակցության ինստիտուցիոնալացման կարևոր հարթակ։ Նա ընդգծել է քաղաքական կամքը՝ համատեղ կոնկրետ և չափելի արդյունքների հասնելու ուղղությամբ։ Նշվել է, որ միջկառավարական հանձնաժողովի առաջին նիստը, ամենայն հավանականությամբ, կգումարվի 2026 թվականի աշնանը Երևանում։
ԿԳՄՍ նախարարը կարևորել է նաև գիտահետազոտական համատեղ ծրագրերի իրականացումը։ Ժաննա Անդրեասյանն առաջարկել է միջկառավարական հանձնաժողովի նիստին զուգահեռ կազմակերպել նաև բիզնես ֆորում և գիտատեխնոլոգիական Expo՝ ապահովելով երկու երկրների գործարար համայնքների և նորարարության ոլորտի ներկայացուցիչների ակտիվ ներգրավվածությունը։ Կողմերը կարևորել են նաև բարձր տեխնոլոգիաների և նորարարության ոլորտում համագործակցության զարգացումը՝ ընդգծելով, որ առկա են լայն հնարավորություններ, այդ թվում՝ արհեստական բանականության, նորարարական կենտրոնների և արտադրական կարողությունների զարգացման ուղղություններով։
ԿԳՄՍ նախարարը նաև նշել է, որ Հայաստանը 2026 թվականին կհյուրընկալի մի շարք խոշոր միջազգային միջոցառումներ՝ ընդգծելով սերբական պատվիրակությունների մասնակցության կարևորությունը։ Մասնավորապես՝ մայիսի սկզբին նախատեսված է Եվրոպական քաղաքական համայնքի 8-րդ գագաթնաժողովը, որը, Ժաննա Անդրեասյանի դիտարկմամբ, կարևոր հարթակ է երկկողմ և բազմակողմ համագործակցության խորացման համար։
Բացի այդ՝ այս տարվա աշնանը Հայաստանում կանցկացվի COP17-ը, որի շրջանակում կքննարկվեն կենսաբազմազանության պահպանությանն առնչվող կարևոր հարցեր։ Կարևորվել են սերբական պատվիրակության մասնակցությունը, ինչպես նաև միջոցառման շրջանակում մշակույթի, կրթության և երիտասարդության ոլորտներում համագործակցության խթանումը։ Նշվել է, որ COP17-ը կարող է հանդիսանալ նաև համալսարանների և երիտասարդական կառույցների միջև կապերի ամրապնդման արդյունավետ հարթակ։
Հանդիպման ավարտին կողմերը պատրաստակամություն են հայտնել շարունակելու ակտիվ համագործակցությունը՝ ապահովելու միջկառավարական հանձնաժողովի արդյունավետ աշխատանքը և նպաստելու Հայաստանի և Սերբիայի միջև հարաբերությունների հետագա զարգացմանը։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
