Երբ պահը գա, Նիկոլն առանց մեկ վայրկյան մտածելու փուռն է տալու այդ սեղանի շուրջ բոլոր նստածներին, ուղղակի հիշեք Արցախի Արայիկ Հարությունյանի օրինակը․ մեդիափորձագետ

Երեկ շատ խոսվեց Նիկոլի հետ լուսանկարված մեծահարուստների մասին։ Այո՛, հենց լուսանկարված, այլ ոչ թե հանդիպած, քանի որ այդ ամբողջ հանդիպման իմաստը զուտ լուսանկարները դնելն էր ու ցույց տալը, թե մեծահարուստներն էլ են Նիկոլին սատարում (ինչպիսի անհավատալի նորություն, չէ՞)։ Իսկ այն հանդիպումների մասին, որոնց ընթացքում իրական խնդիրներ են քննարկվում ու հարցեր լուծվում, մենք ոչ էլ իմանում ենք։ Այս մասին ֆեյսբուքյան իր էջում գրել է մեդիափորձագետ Կարեն Վրթանեսյանը։ 

 

Այս տիպի ցուցադրական հանդիպումները, «քննարկումները», «կլոր սեղանները», տեսախցիկների առաջ զխտկվելը մասնագիտական ժարգոնով կոչվում են «պսևդո-իրադարձություններ» (pseudo event)։ Այն է՝ իրադարձություն, որը տեղի ունենում գլխավորապես այն լուսաբանելու նպատակով։