Հայաստանը մասնակցում է Big Cat Conservation գլոբալ նախաձեռնությանը
Շրջակա միջավայրի նախարարի տեղակալ Արամ Մեյմարյանը հանդիպում է ունեցել ՀՀ-ում Հնդկաստանի Հանրապետության դեսպան տիկին Նիլակշի Սահա Սինհաի հետ՝ քննարկելու բնապահպանական ոլորտում միջազգային համագործակցության և առաջիկա գլոբալ նախաձեռնությունների հարցերը։ Այդ մասին հայտնում են ՇՄՆ-ից:
Հանդիպման ընթացքում կողմերն անդրադարձել են International Big Cat Alliance (IBCA) նախաձեռնությանը և 2026 թվականի հունիսի 1-ին Նյու Դելիում նախատեսվող գագաթնաժողովին, որի շրջանակում նախատեսվում է ընդունել «Դելիի հռչակագիրը՝ մեծ կատուների պահպանության վերաբերյալ»։
Ներկայացվել է հռչակագրի նախագիծը, որը սահմանում է միջազգային համագործակցության հիմնական ուղղությունները՝ ներառյալ մեծ կատուների կենսապահովման միջավայրերի պահպանությունը, անդրսահմանային համագործակցությունը, անօրինական որսի և վայրի կենդանիների ապօրինի առևտրի դեմ պայքարը, ինչպես նաև գիտության և տեխնոլոգիաների կիրառմամբ մոնիթորինգի համակարգերի զարգացումը։
Հռչակագրի նախագծում ընդգծվում է նաև տեղական համայնքների և բնիկ ժողովուրդների ներգրավվածության կարևորությունը, One Health մոտեցման կիրառումը, կայուն ֆինանսավորման մեխանիզմների ձևավորումը և բնապահպանական կրթության ու հանրային իրազեկման ընդլայնումը։
Դեսպանը կարևորել է Հայաստանի մասնակցությունը նախաձեռնությանը՝ նշելով, որ Հայաստանը համարվում է այն երկրներից մեկը, որը արագորեն միացել է նախաձեռնության շրջանակային գործընթացներին և ավարտել անհրաժեշտ ներպետական ընթացակարգերը։
Նախարարի տեղակալ Արամ Մեյմարյանը բարձր է գնահատել Հնդկաստանի փորձը վայրի բնության պահպանության ոլորտում՝ մասնավորապես վագրերի պահպանության և կենսաբազմազանության վերականգնման ծրագրերի շրջանակում։ Նա ընդգծել է, որ այդ փորձը կարևոր օրինակ է Հայաստանի համար՝ հատուկ պահպանվող տարածքների ընդլայնման և բնապահպանական քաղաքականությունների արդյունավետ իրականացման տեսանկյունից։
Կողմերը կարևորել են նաև գիտելիքի, փորձի և լավագույն պրակտիկաների փոխանակումը՝ ընդգծելով, որ նման համագործակցությունը նպաստում է ինչպես տարածաշրջանային, այնպես էլ գլոբալ մակարդակներում բնապահպանական մարտահրավերների հաղթահարմանը։
Հանդիպման ավարտին վերահաստատվել է փոխգործակցության խորացման և շարունակական երկխոսության պատրաստակամությունը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
