Այսօրվա Հայաստանում կա քաղաքական էլիտայի ճգնաժամ և կա ռադիկալ առաջնորդների փնտրտուք. Ստեփան Դանիելյան

Այսօրվա Հայաստանում կա քաղաքական էլիտայի ճգնաժամ: Քաղաքական էլիտայի ճգնաժամի հետևանքն այն է, որ երկրի ու հասարակության առջև եղած մարտահրավերները չեն լուծվում, ավելին, դրանք գնալով խորանում են: Այս մասին ֆեյսբուքյան իր էջում գրել է քաղաքական վերլուծաբան, ԲՀԿ նախընտրական ցուցակում ընդգրկված Ստեփան Դանիելյանը։

Նա, մասնավորապես, նշել է, «Ըստ էլիտաների մասին տեսության հիմնադիրներից մեկի, իտալացի Վիլֆրեդո Պարետայի «էլիտաների շրջանառության» սկզբունքի, դեգրադացիան սկսվում է, երբ

- էլիտայի ներսում մրցակցությունը բացակայում է, հետևապես, տեղի է ունենում բացասական ընտրություն՝ ըստ հավատարմության, որի պատճառով ընկնում է մասնագիտական մակարդակը:

Արդյունքում իրականության կորուստ է տեղի ունենում

• էլիտան դադարում է հասկանալ հասարակությանը
• ապրում է «տեղեկատվական պղպջակում»

Հատեւանքներ

• իշխանությունն օգտագործվում է անձնական շահերի համար
• պետությունը վերածվում է ռեսուրսի
• սոցիալական լարվածությունը խորանում է
• անհավասարությունն աճում է
• ընկնում է վստահությունն պետական ու քաղաքական ինստիտուտների հանդեպ
• աճում է ցինիզմը, դժգոհություններն ու ապատիան

Հասարակության արձագանքը

• հասարակությունը սկսում է փնտրել «հակաէլիտա»
• առաջ են գալիս ռադիկալ առաջնորդներ

2018-ին մարդիկ ռադիկալ առաջնորդներ էին որոնում ու՝ գտան:

2018-ին իշխանության եկած հակաէլիտան ավելի խորացրեց իրավիճակը և հիմա նույնությամբ, բայց ավելի ծայրահեղ հետևանքներով, կրկնվում է այն ամենն, ինչը կար մինչ 2018-ը:

Հիմա նորից ռադիկալ առաջնորդների փնտրտուք կա:

Հետաքրքիր կլինի լսել արձագանքները, ինչ էլիտա և ինչ առաջնորդներ եք որոնում: Ինչպիսին պետք է լինեն և ինչ անեն, որ նրանց վստահեն»։