Ղարաբաղի կարգավիճակի որոշման հարցը և տարածքների վերադարձը մեկ ամբողջականություն են

«Լավրովյան փաստաթուղթ» գոյություն չունի: Գոյություն ունեն համանախագահների առաջարկությունները, որոնք այս կամ այն տեսքով քննարկվել են վերջին մի քանի տարիների ընթացքում:

ԵԱՀԿ Մինսկի համանախագահների մամուլի ասուլիսի ժամանակ ասաց ռուսաստանցի համանախագահ Իգոր Պոպովը` պատասխանելով հարցին, թե մասնավորապես ինչ առաջարկների փաթեթի մասին է հայտարել ՌԴ արտգործնախարար Սերգեյ Լավրովը:

Իգոր Պոպովի խոսքով` գոյություն ունի մի քանի տարբերակ, բայց դրանք հիմնված են հակամարտության կարգավորման երեք սկզբունքների ու վեց տարրերի վրա, որոնց մասին ոչ մեկ անգամ են հայտարարել համանախագահող երկրների նախագահները:

«Սկզբունքները հետևյալն են. ինքնորոշման իրավունք, ուժի կիրառման բացառում, տարածքային ամբողջականություն, իսկ վեց հիմնական տարրերից ամենակարևորը երկուսն են՝ խոսքը տարածքների վերադարձն է, ԼՂ ստատուսի կարգավորման հարցը։ Կրկնեմ ևս մեկ անգամ Ղարաբաղի կարգավիճակի որոշման հարցը  և տարածքների վերադարձը մեկ ամբողջականություն է, մեկը մյուսին ստորադաս չեն: Հենց այս մասին է խոսք գնացել, այսպես կոչված «Լավրովի փաստաթուղթը»: Բացի այս երկու սկզբունքներից, բացի այս երկու տարրերից կա նաև փախստականների վերադարձի հարց, Լեռնային Ղարաբաղը Հայաստանին կապող միջանցքի լայնության ու կարգավիճակի հարց, որտեղ էլ, բնականաբար, պետք է լինի խաղաղապահ գործունեություն: Նախատեսված է, որ խաղաղապահների տեղակայում լինի վերջնական կարգավորման փուլում, երբ խաղաղ կարգավորման մասին համաձայնագիրը կստորագրվի»,- ասաց Պոպովը: