Իրանը հաղթում է պատերազմում. Թրամփը նահանջում է. Արթուր Խաչիկյան
Տնտեսական ճգնաժամի կործանարար ալիքն իր ողջ ուժգնությամբ հարվածեց Ամերիկային և Եվրոպային։ Ամերիկայում ընդամենը մեկ օրվա ընթացքում միայն մեկ ընկերություն՝ «Օրաքլ»-ը, աշխատանքից ազատեց 30 000 մարդու։ Ընդամենը մեկ առավոտվա ընթացքում՝ առավոտյան ժամը 6-ին ուղարկված էլեկտրոնային նամակով։ Այս մասին ֆեյսբուքյան իր էջւմ գրել է քաղաքագետ Արթուր Խաչիկյան:
«Մեծ Բրիտանիայում հայտարարեցին, որ մնացել է ընդամենը մեկ շաբաթվա ավիացիոն վառելիք։ Այնտեղ է ժամանում Պարսից ծոցից եկող վերջին լցանավը։
Եվրոպայի էներգետիկայի նախարար Դան Յորգենսենը հայտարարեց, որ Եվրոպան բախվել է «շատ լուրջ իրավիճակի, որի վերջն ու եզրը չի երևում»։
Ավիատոմսերի գները գրեթե կրկնապատկվել են, ավիաընկերությունները չեղարկում են չվերթները։ Եվրոպացիները չեղարկում են արձակուրդային ծրագրերը։ Զբոսաշրջության արդյունաբերությունը ահռելի վնասներ է կրում։
ԱՄՆ-ում գործազրկությունն աճել է մինչև 4%՝ հասնելով 2020 թվականի՝ Քովիդի համաճարակի ժամանակաշրջանի մակարդակին։ Տնտեսագետներն ԱՄՆ-ի համար կանխատեսում են ռեցեսիա և «ստագֆլյացիա»՝ 1970 թվականի օրինակով։ Ստագֆլյացիան միաժամանակ տեղի ունեցող գնաճն ու գործազրկության աճն է։
Թրամփին հաջողվեց ռմբակոծել Իրանը, սպանել նրա առաջնորդներին, սպանել կանանց ու երեխաների, ռմբակոծել հիվանդանոցներ, դպրոցներ, մանկապարտեզներ։ Նրան հաջողվեց ոչնչացնել Իրանի նավատորմն ու ՀՕՊ համակարգերը։
Բայց համաշխարհային տնտեսությանը հասցված Իրանի պատասխան հարվածն ավելի արդյունավետ դուրս եկավ։ Ամբողջ Ամերիկայում դժգոհության ալիքն աճում է և միայն կմեծանա, եթե տնտեսական ճգնաժամը խորանա։
Հասկանալով, որ ռազմական հանցագործ Նեթանյահուի հրամանը կատարելով՝ ինքը ճահիճն է խրվել , Թրամփը միաժամանակ հաղթանակ է հռչակում, հայտարարում, թե Իրանն իրենից զինադադար է խնդրում, և որ շուտով պատերազմը կավարտվի, ու ամերիկացիները տուն կվերադառնան, նույնիսկ եթե չհասնեն իրենց նպատակներին։
Այլ կերպ ասած՝ Թրամփն ահռելի պարտություն կրեց, որը տարիներ ու տասնամյակներ շարունակ կհետապնդի նրան և ԱՄՆ արտաքին քաղաքականությանը։ Սա արմատապես կփոխի Մերձավոր Արևելքի և ողջ աշխարհի քաղաքական քարտեզը։ Բայց չէ՞ որ այս բոլոր հետևանքները հեշտությամբ կանխատեսելի էին...»:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
