Անդրադարձ է կատարվել Եվրամիություն-Հայաստան գագաթաժողովի անցկացմանը
Հանրապետության նախագահ Վահագն Խաչատուրյանն ընդունել է Բելգիայի Թագավորության խորհրդարանի Բելգիա-Հայաստան բարեկամական խմբի ղեկավար Էլս Վան Հոֆի գլխավորած պատվիրակությանը։ Այս մասին տեղեկանում ենք նախագահի աշխատակազմից։
Նախագահը ողջունել է հյուրերին և ընդգծել նման այցելությունների կարևորությունը երկկողմ հարաբերությունների շարունակական զարգացման և խորացման համատեքստում։
«Ձեր այցը վկայությունն է մեր բարեկամության և սերտ համագործակցության։ Այդ բարեկամությունն ու համագործակցությունը գնալով ավելի են ամրապնդվում և ընդլայնվում, որովհետև դրանք գաղափարական հիմք ունեն։ Խոսքը վերաբերում է ժողովրդավարությանը, մարդու իրավունքներին և օրենքի գերակայությանը։ Հատկապես վերջին տարիներին մենք հաջողություններ ենք արձանագրել հենց այդ արժեքների ամրապնդման ուղղությամբ։ Այս համատեքստում ևս շատ կարևոր է մեր համագործակցությունը և ձեր աջակցությունը»,– նշել է նախագահ Խաչատուրյանը։
Նախագահի խոսքով՝ միջխորհրդարանական համագործակցության շրջանակում առանձնահատուկ է երկու երկրների խորհրդարանների բարեկամական խմբերի դերն ու ակտիվ համագործակցությունը՝ վստահություն հայտնելով, որ այս հերթական այցը նոր հնարավորություններ և գաղափարներ կստեղծի ինչպես քաղաքական, այնպես էլ տնտեսական հարաբերությունների զարգացման համար։
Պատվիրակության ղեկավար Էլս Վան Հոֆը շնորհակալություն է հայտնել ընդունելության համար և վերահաստատել Բելգիայի հանձնառությունը՝ նպաստել Հայաստան-Բելգիա համագործակցության զարգացմանը՝ հիմնված ընդհանուր ժողովրդավարական արժեքների և փոխադարձ հարգանքի վրա։
Հանդիպման ընթացքում անդրադարձ է կատարվել նաև Հայաստանում կայանալիք Եվրոպական քաղաքական համայնքի համաժողովին, ինչպես նաև Եվրամիություն-Հայաստան գագաթաժողովի անցկացմանը։ Երկուստեք կարևորվել է նման բարձր մակարդակի միջոցառումների դերը՝ միջազգային համագործակցության խորացման, քաղաքական երկխոսության ակտիվացման և տարածաշրջանային կայունության ամրապնդման տեսանկյունից։
Կողմերը մտքեր են փոխանակել ժողովրդավարական բարեփոխումների և դրանց արժեքների առաջմղման վերաբերյալ՝ ընդգծելով այս ուղղությամբ համագործակցության շարունակական զարգացման կարևորությունը։ Շեշտվել է, որ Հայաստանը անշեղորեն ընթանում է ժողովրդավարության զարգացման ճանապարհով՝ հետևողականորեն ամրապնդելով ժողովրդավարական ինստիտուտները և ապահովելով հիմնարար ազատությունների պաշտպանությունը։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
