Տեղի է ունեցել ՀՀ-ի և Հունգարիայի միջև տնտեսական համագործակցության միջկառավարական հանձնաժողովի նիստը
Մարտի 26-ին Երևանում կայացել է Հայաստանի Հանրապետության և Հունգարիայի միջև տնտեսական համագործակցության միջկառավարական հանձնաժողովի անդրանիկ նիստը: Միջկառավարական հանձնաժողովը համանախագահել են Հայաստանի արտաքին գործերի նախարարի տեղակալ Վահան Կոստանյանը և Հունգարիայի արտաքին գործերի և առևտրի պետքարտուղար Տրիստան Ազբեյը: Այդ մասին հայտնում են ԱԳՆ-ից։
Շահագրգիռ նախարարությունների և գերատեսչությունների ներկայացուցիչների մասնակցությամբ կայացած նիստի ընթացքում ներկայացվել են երկու երկրների տնտեսական հնարավորությունները: Կողմերը հանգամանալից քննարկումներ են ունեցել առևտրատնտեսական, էներգետիկայի, ջրային ռեսուրսների, առողջապահության, բարձր տեխնոլոգիաների, գյուղատնտեսության, զբոսաշրջության, կրթական և մշակութային ոլորտներին առնչվող առանցքային հարցերի շուրջ: Կառուցողական մթնոլորտում կայացած հանդիպման ընթացքում նախանշվել են միջկառավարական հանձնաժողովի հետագա քայլերը՝ համագործակցային ծրագրերի իրականացման և ոլորտային համագործակցության ընդլայնման միտումով:
Երկուստեք վերահաստատվել է Հայաստանի և Հունգարիայի միջև փոխշահավետ համագործակցության ներուժի լիարժեք բացահայտման նպատակով անհրաժեշտ ջանքեր գործադրելու փոխադարձ պատրաստակամությունը:
Նիստի արդյունքներով ստորագրվել են միջկառավարական հանձնաժողովի կանոնակարգն ու անդրանիկ նիստի արձանագրությունը:
Նույն օրը արտաքին գործերի նախարարի տեղակալ Վահան Կոստանյանն աշխատանքային քննարկում է ունեցել արտաքին գործերի և առևտրի պետքարտուղար Տրիստան Ազբեյի հետ: Հանդիպման ընթացքում ընդգծվել է Հայաստանի և Հունգարիայի միջև երկկողմ հարաբերությունների դրական ընթացքը, կարևորվել է քաղաքական երկխոսության կայուն շարունակականությունը, համատեղ ջանքերով ոլորտային համագործակցության զարգացումն ու միջմարդկային կապերի հետագա խթանումը: Նախարարի տեղակալ Կոստանյանը բարձր է գնահատել «Hungary Helps» ծրագրով Հայաստանին տրամադրվող թիրախային աջակցությունը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
