Պայքար՝ տեխնոլոգիական հանցագործությունների դեմ. ՀԱՊԿ-ի «ՊՐՈՔՍԻ» օպերացիան է քննարկվել

Մոսկվայում, ՀԱՊԿ քարտուղարության շենքում, Ռուսաստանի ազգային շտաբի ղեկավարի նախագահությամբ տեղի է ունեցել ազգային շտաբների ղեկավարների նիստ՝ նվիրված ՀԱՊԿ-ի մշտական գործողության «ՊՐՈՔՍԻ» օպերացիայի իրականացմանը՝ տեղեկատվական տեխնոլոգիաների ոլորտում հանցագործությունների դեմ պայքարի նպատակով։

Նիստը բացել է և ողջույնի խոսքով հանդես է եկել ՀԱՊԿ գլխավոր քարտուղարի տեղակալ Վալերի Սեմերիկովը, ով մասնավորապես նշել է․
«2025 թվականին, բարդ իրավիճակի և մեր պետությունների դեմ ուղղված ապօրինի գործողությունների աճող ծավալների պայմաններում, լիազորված իրավասու մարմինների ստորաբաժանումները լուծել են բարդ, ոչ ստանդարտ օպերատիվ խնդիրներ, ապահովել են տեղեկատվական տարածքի պաշտպանությունը, ակտիվ պայքարել կիբեռահաբեկչության և կազմակերպված հանցավորության, թմրամիջոցների ապօրինի շրջանառության, ծայրահեղականության և անօրինական միգրացիայի դեմ՝ իրականացվող տեղեկատվական տեխնոլոգիաների միջոցով։ Նախատեսված միջոցառումների ամբողջ համալիրը իրականացվել է։

Ուժային կառույցների, հատուկ ծառայությունների և իրավապահ մարմինների, ինչպես նաև մասնագիտացված նախարարությունների ու գերատեսչությունների աշխատակիցները՝ ՀԱՊԿ անդամ պետություններից, որոնք անմիջականորեն մասնակցել են տեղեկատվական տեխնոլոգիաների ոլորտում հանցագործությունների դեմ պայքարի միջոցառումներին, գործել են արդյունավետ, համակարգված և մասնագիտական մակարդակով»։

2026 թվականին ՀԱՊԿ անդամ պետությունների հիմնական ջանքերը կուղղվեն՝

ազգային և դաշնակցային շահերին քաղաքական վնաս հասցնող, ինչպես նաև միջէթնիկական և կրոնական թշնամանք հրահրող տեղեկատվության տարածման դեմ պայքարին,

ահաբեկչական և ծայրահեղական կազմակերպությունների կողմից զինված հակամարտություններին մասնակցելու նպատակով մարդկանց հավաքագրման դեմ պայքարին,

հանցավոր խմբերի գործունեության, այդ թվում՝ ահաբեկչական և ծայրահեղական ուղղվածության, հակազդմանը,

տեղեկատվական տեխնոլոգիաների միջոցով թմրամիջոցների ապօրինի շրջանառության դեմ պայքարին,

 վնասակար ծրագրերի դեմ պայքարին,

ապօրինի գործունեության համար օգտագործվող ռեսուրսների հայտնաբերմանն ու արգելափակմանը,

էլեկտրոնային խարդախություններին առնչվող հանցավոր խմբերի բացահայտմանը։

Նիստի մասնակիցները միաձայն ընդգծել են, որ «ՊՐՈՔՍԻ» օպերացիան շարունակում է մնալ արդյունավետ գործիք կոլեկտիվ համագործակցության համար և ուղղված է կազմակերպության անդամ պետությունների կոլեկտիվ անվտանգության ամրապնդմանը։