Քոչարյանը նվիրում է Նիկոլին սեփական հակառեյտինգը, Նիկոլը նվիրում է Քոչարյանին կապիտալը պահպանելու հնարավորություն. Արթուր Դանիելյան

Սեփական ոտքերին կրակելու Քոչարյանի սովորությունը միշտ նույն հետագիծն ունի: Նախ որոշում են թիրախը․ դա որպես կանոն ինչ-որ անհատ է, ով կարող է համարձակվել օրը 24 ժամ չփառաբանել Քոչարյանի քաղաքագիտական հանճարն ու ազգանվեր անցյալը, ներկան ու ապագան: Այս մասին ֆեյսբուքյան իր էջում գրել է Արթուր Դանիելյանը:

«Հաջորդ քայլով սկսում են լավագույն «նիկոլական» ավանադույթների համաձայն ցեխ շպրտել հատուկ դրա համար չուլանում պահվող երրորդական դեմքերի մակարդակով: Ցեխը պետք է լինի շատ ու հնարավորինս գռեհիկ, որպեսզի դրան նույնիսկ արձագանքելը նորմալ մարդու համար նվաստացուցիչ լինի, արձագանքելու դեպքում էլ ստիպված լինես հարյուրավոր ֆեյքերի հետ անհավասար մարտի մեջ մտնես: 

Երրորդ փուլը վրա է հասնում, երբ պայմանական թիրախը «նադայել» է լինում էդ կրկեսից ու մի հատ քացով իջնում է հենց իրա, մեծն կոմբինատոր՝ Քոչարյանի չանին: Քաղաքական դիսկուրսի մեջ Քոչարյանը երբեք չի մտնում, հասկանալով, որ Ստեփան Դեմիրճյանից բարձր նշաձող երբեք չի կարող վերցնել, մանավանդ եթե այդ պահին իր տակ չի պետության ողջ ռեպրեսիվ զինանոցը: Դիսկուրսի փոխարեն անցում է կատարվում չորրորդ փուլ: 

Չորրորդ փուլում Սողոմոնյան Վիկտորը պետք է Քոչարյանից սարքի նենգ դավադրությունների զոհ, որի վրա հանիրավի հարձակվել են: Նա հանուն պետության միայնակ ու ինքնազոհ պայքարող հերոս է, իսկ յուր մանկլավիկների կողմից թիրախավորված ու դրան հակադարձած անձիք՝ անշնորհակալ ճղճիմներ: Սա, սակայն, վերջին քայլը չէ:

Վերջին փուլում, Քոչարյանին ուղղված յուրաքանչյուր հակադարձ հարվածի տակ, հայտնվում են Վիտիայի ֆեյքերը ու կոչեր անում դադարեցնել գզվռտոցը: Գզվռտոց, որ հենց իրենք էլ սկսել են: Ու սկսել են բացառապես նիկոլկան շահերը սպասարկելու համար: Քոչարյանը նվիրում է Նիկոլին սեփական հակառեյտինգը, Նիկոլը նվիրում է Քոչարյանին կապիտալը պահպանելու հնարավորություն:

Օրինակ՝ օրերս ես մի տեքստ էի գրել, որը նվիրված էր մեր եկեղեցու տոներից մեկին՝ Գալստյան կիրակիին և այդ համատեքստում՝ Նիկոլի սատանիստական էությանը... Ինչը՞ պիտի Սեդրակիչին այդ դավանաբանական թեմայի շուրջ անհանգստացներ: Արի ու տես, որ այնուամենայնիվ ինչ-որ բան անհանգստացրեց ու իմ ուղությամբ հերթական շառի շքերթը կազմակերպվեց: 

Վերջնարդյունքը էլ ավելի մարգինալացված Քոչարյանն է, ով դատարկ սպառնալիքներով փորձելու է ստիպել քաղաքական այլ դերակատարներին իր գոյութուն չունեցող գործոնի հետ հաշվի նստել: Ու ինչ-որ բան ինձ հուշում է, որ այս ամենը տեսնող Կարապետյանն ու Ծառուկյանը էլ ավելի հակված կլինեն Քոչարյանին բանի տեղ չդնել, ինչը վերջինիս կստիպի էլ ավելի շատ ջանք թափել շուրջ բոլորին ցեխոտելու համար»: