Ազգովի պայքարեցինք, որ գազի գինը նվազի Գազպրոմ-Արմենիայի համար

Վերջին երկու տարիներին միջազգային շուկայում նավթի գների նվազմանը զուգահեռ, գազի գինը ևս մոտ երկու անգամ նվազել է: Հայաստանի համար ևս գազի գինը նախօրեին Ռուսաստանի Դաշնության վարչապետ Դմիտրի Մեդվեդևը հայտարարեց, որ 1000 խորանարդի համար 165 դոլարից կնվազի մինչև 150 դոլարի:

Նշենք, որ ՀՀ վարչապետ Հովիկ Աբրահամյանն իր հերթին հայտնեց, որ սպառողի համար գազի գնի նվազման հարցը դեռ կքննարկվի:
Սա արդեն երկրորդ դեպքն է, երբ Հայաստանը չի նվազեցնում գազի գինը սպառողի համար, երբ ՌԴ-ն այն իջեցնում է:

Անդրադառնալով ՀՀ մատակարարվող ռուսական գազի գների հետ կապված խնդրին` newspress.am-ի հետ զրույցում տնտեսագետ Վիլեն Խաչատրյանը նկատեց, որ Ռուսաստանի տնտեսական իրավիճակը որոշակի առումով ծանր է. և պատժամիոջցներն են և բացասական տնտեսական աճ և երբ նավթի գներն իջնում են, իջնում է նաև գազի գինը:

Նա նաև նշեց, որ գազի գինը ՌԴ-ն չէր կարող ավելի շատ իջեցնել, քանի որ նավթի գինը կարող է բարձրանալ և ՌԴ-ն առանց ճշգրտելու, չի կարող ավելի շատ նվազեցնել գազի գինը:

«Այս տարի նաև Գազպրոմի շահույթը կրկնակի աճել է: Գազպրոմը այնպիսի երկրների հետ է պայմանագիր կնքել, որոնք նաև նախկինում գազ էին արտահանում և որոշ ռազմավարական գործընկերների նկատմամբ, որոնք ունեն շատ ավելի փոքր գազի սպառման ծավալներ: Նման շքեղություն կարող է իրեն ՌԴ-ն թույլ տալ»,- ասաց Վ. Խաչատրյանը:

Նա պայմանավորեց գազի նվազումը ՀՀ-ի համար այս հանգամանքով, ոչ թե ինչ-որ օբյեկտիվ իրավիճակով, նաև Գազպրոմ Արմենիայի ներդրումային քաղաքականությունն է փոփոխության ենթարկվել. «Այս տարվա համար, կրճատվելու է ներդրումների ծավալները և դա ևս ենթադրում է, որ կոնկրետ չի հավաքագրելու այդ գումարները և ներդրում էլ չի կարող անել: Հիմա իջացրեցին գազի գինը, ներդրումային գումարները կավելանա: Իսկ եթե բնակչության համար գազի գինը իջեցնեն սպառողի համար այնքան, ինչքան իջել է սահմանին՝ Գազպրոմ-Արմենիան ավելի  շատ գումարներ ունենալու հնարավորություն չի ունենա»,-ասաց տնտեսագետը` հավելելով, որ, եթե նույիսկ սպառողի համար գազի գինը նվազի, ապա ոչ այնքան, որքքան սահմանին:

Ստացվում է, որ հայկական կողմի՝ գազի գնի նվազման շուրջ կռիվն այն է, որ միմիայն Գազպրոմ-Արմենիայի համար նվազի գազի գինը, իսկ սպառողին՝ ոչինչ. Գազպրոմ-Արմենիան է շահելու: